Ha Noi 越南菜

营业中

休息中

從百年前啓用嘅啟德機場、郵輪碼頭之外，近排啟德再次成為香港人嘅焦點，而除咗啟德體育園之外，原來仲有啟德零售館。啟德零售館除咗各式各樣嘅商店之外，仲有唔少餐廳選擇，其中包括Ha Noi 越南菜。餐廳顧名思義主打越南菜，更有Pho以外嘅地道菜式。濱海伴香茅豬扒濱海係用越南傳統米粉整成一個餅狀，上面會再配埋炸蒜同蔥嘅越式傳統美食。用生菜包住濱海同香茅豬扒，沾上Ha Noi 越南菜特製嘅魚露酸汁，非常開胃！軟殼蟹米紙卷皮薄嘅米紙卷，包住大嚿厚實嘅軟殼蟹，一口咬落去入面嘅材料多到漏晒出嚟。而且軟殼蟹即叫即炸，非常香脆，令整道菜式嘅口感更為豐富。香茅雞翼湯河雞翼用香茅醃完，顧客落單後，廚房即叫即炸，所以炸到非常外脆，但雞肉依然嫩滑，並帶有清新嘅香茅味道。雞絲撈檬夏天食越南嘢，又點少得撈檬。大大碗嘅雞絲撈檬份量十足，將撈檬嘅魚露撈勻一齊食，夠晒新鮮醒胃，為悶熱嘅夏天增加食慾。