影片
更多
2017-09-14
1829 浏览
來自韓國嘅百味堂喺7月份進駐K-11後，每次經過佢地嘅鋪位都見到人流不斷，當然而家過左幾個月，熱潮肯定係比起最初減退不少。由於係期間限定店，開左個幾星期後，我都特意揀個平日前來試左個原味牛奶雪糕，期間都睇過唔少評語，有讚有彈，我只能夠講，唔知啱唔啱你食，但就好啱我食。嗰次係同朋友黎食，事後我都不時同男朋友提起，話呢度嘅牛奶雪糕幾好食，期間我地幾次再黎都因為時間太夜而冇哂雪糕。到左pop up store嘅最後一個月，是日喺尖沙咀食完晚飯再行到黎K11睇睇，時間尚早當然仲有啦。除左原味、豆漿牛奶味雪糕，其他其實都係topppings，定價 $62/68/78，相當矜貴。水果方面，除左士多啤梨、tiramisu、蜜瓜同奇異果，一定唔少得9月份先推嘅藍莓牛奶雪糕。本來以我性格黎計，係應該會試嘅新嘅藍莓味，不過男朋友唔鐘意，冇計啦，按佢意思試左蜜瓜。新鮮蜜瓜牛奶雪糕 $78經過幾個月時間，店員唧雪糕都已經純熟，杯杯都唧得高身而且幾靚仔。一層蜜瓜果醬，加上牛奶雪糕，最後喺面頭加上6粒鮮蜜瓜，杯裝嘅雪糕因為製作過程較長，所以雪糕都已經開始溶化，影完相都要盡快開吃。鮮蜜瓜嘅size細細粒，先聞到果香
到左pop up store嘅最後一個月，是日喺尖沙咀食完晚飯再行到黎K11睇睇，時間尚早當然仲有啦。除左原味、豆漿牛奶味雪糕，其他其實都係topppings，定價 $62/68/78，相當矜貴。水果方面，除左士多啤梨、tiramisu、蜜瓜同奇異果，一定唔少得9月份先推嘅藍莓牛奶雪糕。本來以我性格黎計，係應該會試嘅新嘅藍莓味，不過男朋友唔鐘意，冇計啦，按佢意思試左蜜瓜。
新鮮蜜瓜牛奶雪糕 $78
經過幾個月時間，店員唧雪糕都已經純熟，杯杯都唧得高身而且幾靚仔。一層蜜瓜果醬，加上牛奶雪糕，最後喺面頭加上6粒鮮蜜瓜，杯裝嘅雪糕因為製作過程較長，所以雪糕都已經開始溶化，影完相都要盡快開吃。
鮮蜜瓜嘅size細細粒，先聞到果香，入口天然，香甜得黎唔係死甜，混合牛奶雪糕食，係不死配搭，而且並冇蓋過牛奶雪糕原本嘅味道，依然奶味濃郁，不過溶嘅速度實在太快，去到後期已經同蜜瓜醬混埋一齊。（唔食得甜嘅人唔建議，可能會覺得太甜）
雖然味道真係唔錯，但定價唔算親民，所以在場好多人都係食原味或者豆漿味雪糕，至於果味，我試一次都夠，未知有冇機會喺pop up完結之前，再食一次原味雪糕呢。
张贴
