Greyhound Café (PopCorn) (已結業)

Greyhound嘅食物一向都有保證，今次又點會例外。泰式三文魚係用泰式生蝦嘅醬汁，配上煙三文魚，酸酸辣辣，泰式醬汁同三文魚嘅味道原來都夾到喎，都幾有驚喜呀。而且份量都唔孤寒架，兩個人食每人都食到四片架，可以俾你一再回味。主菜叫左個鮮蝦帶子墨魚汁麵，個賣相已經吸引，有大大隻嘅帶子同蝦，墨魚麵又彈牙，味道帶少少辣，都幾惹味喎。一個完美嘅晚餐唔少得飯後甜品，而泰式甜品之中，我最喜歡芒果糯米飯。芒果糯米飯有成半個芒果，又甜又多汁，而糯米飯一好煙韌，一入口帶少少咸味，咬落就有椰漿嘅香同甜，認真唔錯。雖然話飽，但係都成份食晒！