Flames (海濱匯)

营业中

休息中

最近去咗觀塘海濱匯「Flames」食晚飯，Order咗兩個麵食，味道依然百吃不厭。*此餐廳收取加一服務費。煙燻牛小排蕃茄扁意大利麵（單點$258），表面鋪滿巴馬臣芝士、豆苗，牛小排肉質軟腍，非常容易起骨拆肉，食落啖啖肉，牛味濃厚，蘑菇、鴻喜菇食落好Juicy，自家製手工扁意大利麵口感軟硬適中，容易掛汁，紅酒汁味道濃郁，因為紅酒汁加入了番茄蓉製作，食落帶點微酸、微辣味道。蟹肉巴馬臣芝士蕃茄忌廉汁通粉（單點$158），表面鋪有巴馬臣芝士、豆苗、香料，蟹肉份量多，味道鮮甜，連長通粉的空心位置內都有蟹肉，巴馬臣芝士番茄忌廉汁口感Creamy，芝士味道濃郁，番茄醬味道酸甜，令到忌廉汁食落不容易感覺膩。Virgin Sangria （單點$58），採用百香果糖漿、荔枝糖漿、薄荷、梳打水製作，味道酸甜，內有熱帶混合水果，包括有青蘋果、香橙、檸檬。