影片
更多
2018-05-17
1312 浏览
位於銅鑼灣嘅鉄人旨花，已經聽過無次大名，主要做壽司、刺身、廚師發辦、鐵板燒等，今日一嚐味道，名副其實對得住咁多好評。雖然消費比較高，但收得呢個價錢，環境、服務都要有番咁上下。來到見到地方好光猛，亦都夠闊落，店員招呼周到，很細心。食客都有基本禮儀，未見高談闊論，都幾舒適，靜靜地嘆番餐由於我地揀左鐵板燒，就被安排喺爐邊坐，食物唔係太大堆頭，精緻精緻，所以油煙度有限。食物方面，揀左呢個白象拔蚌套餐二人前，其實見隔離枱食緊龍蝦，都好吸引。首先有兩款前菜，沙律菜新鮮，開胃蘿蔔入味，牛面頰煮到好腍身，很有心思。鵝肝麵包伴黑醋，平時都唔係太喜好鵝肝，但呢個真係做得好出色，鵝肝香濃，又唔會細塊。連埋麵包食，係啱啱好，唔會油白象拔蚌輕輕喺爐邊燒過就食得，食落超爽口，鮮味十足，伴上忌廉汁，味道一流，又有另一個層次。伴碟嘅食用花都好精美！熊本和牛，點五至六成熟可能會更加出色，自己就唔係食得太生，所以點左七成，仲有大菇、蘆筍，有肉有菜。和牛充滿牛油脂，texture腍，仲要夠厚身，大滿足連蒜片都好好食，我都忍住叫師傅俾多幾片我，炸完又唔苦唔澀！最後有和牛炒飯，炒得乾身，味道剛好，唔會太鹹，和牛碎碎地，但都有明
由於我地揀左鐵板燒，就被安排喺爐邊坐，食物唔係太大堆頭，精緻精緻，所以油煙度有限。食物方面，揀左呢個白象拔蚌套餐二人前，其實見隔離枱食緊龍蝦，都好吸引。
首先有兩款前菜，沙律菜新鮮，開胃
蘿蔔入味，牛面頰煮到好腍身，很有心思。
鵝肝麵包伴黑醋，平時都唔係太喜好鵝肝，但呢個真係做得好出色，鵝肝香濃，又唔會細塊。
連埋麵包食，係啱啱好，唔會油
白象拔蚌輕輕喺爐邊燒過就食得，食落超爽口，鮮味十足，伴上忌廉汁，味道一流，又有另一個層次。
伴碟嘅食用花都好精美！
熊本和牛，點五至六成熟可能會更加出色，自己就唔係食得太生，所以點左七成，仲有大菇、蘆筍，有肉有菜。
和牛充滿牛油脂，texture腍，仲要夠厚身，大滿足
連蒜片都好好食，我都忍住叫師傅俾多幾片我，炸完又唔苦唔澀！
最後有和牛炒飯，炒得乾身，味道剛好，唔會太鹹，和牛碎碎地，但都有明顯口感。
食完飯就上左個清酒煮蜆，生熟剛好，脹卜卜、爆汁，酒味清淡，即煮夠熱，帶出鮮味，又溫飽感。
芒果雪芭香甜，配埋梅子酸酸地，加埋雪芭冰冰涼涼，十分滿意
如果有朋友想食D精緻好少少嘅日本菜，我都會推薦呢度。
张贴
