影片
更多
2015-04-01
8488 浏览
我男朋友黎左香港探我,佢好鐘意食北京片皮鴨，朋友就帶咗我去食一間係中環交易廣場既白玉蘭。地方唔太難搵，去到交易廣場搭果個扶手電梯上面，再上多一層就到。但係唔好行錯喎因為另外一邊都有另一間中餐廳。環境比較陰暗，好有情調既中餐廳。裝修得好好，佢用既碗碗碟碟都好得意。有個女仔係到SHOPPING，同我一樣咁鐘意SHOPPING。白玉蘭有好多花茶,心心相印,茉莉花茶,花好靚,水中開,但我地見到隔壁台同既茶壺一SET既玻璃杯,問佢地,佢話3人以下先有, 我地有5個人,但我地有2個飲啤酒,所以係3個人飲茶。其實比多2隻玻璃杯，好困難嗎？不過最後俾左。叫餸嘅時候呢睇緊MENU。佢就走埋黎問食咩呀，我地話俾多幾分鐘先因為未睇完MENU，跟住真係幾分鐘，未睇完個MENU，又走埋黎問…. 想點啫…講講呢晚食左咩，緊係叫返個北京填鴨先。除左隻鴨我地仲叫左，蔥油餅，醉雞，炒鍋荀，梅菜扣肉配金華火腿卷，上海湯仲燉得鮮，仲有小籠包。先講醉雞醃到好入味，唔會太強酒味，花雕酒只係淡淡的清香，係好清既前菜，雞肉嫩滑，完全去骨，個皮好爽脆，一流。蔥油餅一開四件，入面蔥粒好香好綠，皮脆，蔥軟，但比較油膩。梅菜扣肉，呢個真係
我男朋友黎左香港探我,佢好鐘意食北京片皮鴨，朋友就帶咗我去食一間係中環交易廣場既白玉蘭。地方唔太難搵，去到交易廣場搭果個扶手電梯上面，再上多一層就到。但係唔好行錯喎因為另外一邊都有另一間中餐廳。環境比較陰暗，好有情調既中餐廳。裝修得好好，佢用既碗碗碟碟都好得意。有個女仔係到SHOPPING，同我一樣咁鐘意SHOPPING。
白玉蘭有好多花茶,心心相印,茉莉花茶,花好靚,水中開,但我地見到隔壁台同既茶壺一SET既玻璃杯,問佢地,佢話3人以下先有, 我地有5個人,但我地有2個飲啤酒,所以係3個人飲茶。其實比多2隻玻璃杯，好困難嗎？不過最後俾左。叫餸嘅時候呢睇緊MENU。佢就走埋黎問食咩呀，我地話俾多幾分鐘先因為未睇完MENU，跟住真係幾分鐘，未睇完個MENU，又走埋黎問…. 想點啫…
講講呢晚食左咩，緊係叫返個北京填鴨先。除左隻鴨我地仲叫左，蔥油餅，醉雞，炒鍋荀，梅菜扣肉配金華火腿卷，上海湯仲燉得鮮，仲有小籠包。
先講醉雞醃到好入味，唔會太強酒味，花雕酒只係淡淡的清香，係好清既前菜，雞
肉嫩滑，完全去骨，個皮好爽脆，一流。
蔥油餅一開四件，入面蔥粒好香好綠，皮脆，蔥軟，但比較油膩。
梅菜扣肉，呢個真係重點重點重點，三個重點推介。真係好好食。個五花腩，好淋，每一塊切得好薄。入味，汁較甜，色較濃，汁較杰，配埋金華火腿卷，超好食。（我下次會order一個白飯配）小籠包就皮薄多肉汁。
紅油抄手，辣度適中，冇咩太特別，但都唔錯
炒鍋荀，普通，係切條唔係平時既一粒粒，方便食Ｄ。
燉得鮮，係一個乜都有既湯，但粒魚蛋完全唔彈牙，仲要淋BAT BAT，因為侍應係出面幫我地分，所以冇影相。
重頭菜，北京填鴨，我地選擇咗二食。
北京填鴨片出黎擺得好靚，有兩碟，連皮帶肉，不肥不油膩，我就鐘意連皮帶肉而唔係皮肉分開，但係肉有少少鞋。包著鴨吃的皮有點厚薄適中但係是用碟上唔係蒸龍，所以皮很快會好快凍咗。
另一食就係炒鴨鬆，包生菜包，有馬蹄，但有Ｄ鴨ＳＯ味，但一讚就係Ｄ菜真係好新鮮，剪左成個碗，方便Ｄ女士食。
我本身完全唔識呢間野，但我覺得好有驚喜，一定會再去食。
张贴
