影片
更多
2009-01-12
9 浏览
真係佛都有火近排天氣凍，女朋友扭計要食煲仔飯+羊腩煲於是乎就去煲仔飯熱門地點油麻地廟街度搵下食啦去到一間叫興記既問左其中一個呀姐話有羊腩煲食 又見到門口有人排隊咁把炮咪諗住實無死錯人啦點知……在門口排隊果d 都唔知係咪 "妹" 黎既在廟街食野都無諗過有服務架啦，d 呀姐無禮貌都唔同佢地一般見識…叫左一個煲仔飯，一個羊腩煲，等左大約十分鐘，羊腩煲黎呀…心諗咁快上到都有d 不妙，唉…一摸下個煲柄，凍既！(個呀姐仲扮哂野用毛巾隔熱)，煲身只係暖暖地！ (好明顯只係煲左一大煲，跟住再放入細煲度上菜) ，失望……無左食熱辣辣羊腩煲既風味。都算啦！都知十間有八間都係咁做架啦，雖然唔夠熱，但還可接受。可惜佢地個煲野骨頭多過肉，枝竹又得3塊……跟住好快咁食完，望下個menu，原來煲野盛惠六十大元！ 仲以為睇錯！哩煲咁既野三十蚊都唔值，竟然夠膽死收六十！！！又算！鬼叫自己事前無睇餐牌就叫，做左傻仔都無野好講。但最激氣係由坐低點完食物，等左足足四十五分鐘，同女朋友吹水都吹到口水乾，個煲仔飯影都無！其間吹左單三次，次次d 呀姐都膚衍左就算！！終於都係快刀斬亂麻，決定唔再等，拿拿聲出去埋單……出到去埋單之餘就
近排天氣凍，女朋友扭計要食煲仔飯+羊腩煲
於是乎就去煲仔飯熱門地點油麻地廟街度搵下食啦
去到一間叫興記既
問左其中一個呀姐話有羊腩煲食
又見到門口有人排隊咁把炮
咪諗住實無死錯人啦
點知……在門口排隊果d 都唔知係咪 "妹" 黎既
在廟街食野都無諗過有服務架啦，d 呀姐無禮貌都唔同佢地一般見識…
叫左一個煲仔飯，一個羊腩煲，等左大約十分鐘，羊腩煲黎呀…
心諗咁快上到都有d 不妙，唉…一摸下個煲柄，凍既！(個呀姐仲扮哂野用毛巾隔熱)，煲身只係暖暖地！ (好明顯只係煲左一大煲，跟住再放入細煲度上菜) ，失望……無左食熱辣辣羊腩煲既風味。
都算啦！都知十間有八間都係咁做架啦，雖然唔夠熱，但還可接受。
可惜佢地個煲野骨頭多過肉，枝竹又得3塊……跟住好快咁食完，望下個menu，原來煲野盛惠六十大元！ 仲以為睇錯！哩煲咁既野三十蚊都唔值，竟然夠膽死收六十！！！
又算！鬼叫自己事前無睇餐牌就叫，做左傻仔都無野好講。
但最激氣係由坐低點完食物，等左足足四十五分鐘，同女朋友吹水都吹到口水乾，個煲仔飯影都無！其間吹左單三次，次次d 呀姐都膚衍左就算！！
終於都係快刀斬亂麻，決定唔再等，拿拿聲出去埋單……出到去埋單之餘就同收錢果個呀姐投訴下d 野咁耐都唔黎，點知佢都唔鬼理你，只係話人多無辦法，一邊就係度計數，連一句唔好意思都唔講！！哩一刻真係扯哂火
行出門口，仲見到長長既人龍，無言……俾班羊呃左，香港人既羊群心理真係可笑，乜都等一餐以為係好野，估唔到哩間野今時今日咁既服務態度，咁既食物質素，咁既價錢，在金融海嘯下仲可以生存到現在，奇蹟！
食煲仔飯下次真係寧願入大埔食.......
张贴