鍋呵呵 (已結業)

環境都唔錯 ，六點鐘去到 ，餐廳都唔係好多人，雖然餐廳唔算好大 ，但係都算幾闊落咁我同我媽咪就叫左一個原味椰子雞餐 價錢都唔洗四百蚊 套餐仲送埋 美國肥牛一碟 爆左唔少海鮮 價錢都算係相當抵食 最緊要係佢幫你揀好曬d食材 唔洗自己諗揀要食d咩 岩哂我呢d選擇有困難嘅人食材 一上到你檯面 我都真係哇一聲 肥牛的色澤相當之靚 成盤野都好有霸氣 海鮮都算唔錯接著落就係椰子雞煲 真係成隻雞上 分量豐富 另外有埋兩粒青檸俾我地 可以加落去d湯到 令到d湯更加清新鮮甜最後我亦都嗌左一支啤酒飲 係德國既黑啤 雖然有d苦苦地 但係小麥味都相當濃醇 飲落去都有種回甘