大阪日本料理 (已結業)

每個月食好啲嘅時間又到啦，小編繼續揀選自己最鍾意嘅日本菜！👍🏻極上刺身盛刺身盛相當有睇頭，大大盤擺得整齊又精緻：當中有薄切深海池魚、黑鯥、帶子、金木雕、拖羅、三文魚、油甘魚、天使蝦同海膽。厚切魚生特別肥美，特別係油甘魚嘅油脂頗重；而薄切嘅口感相對細緻；天使蝦爽甜；海膽更加可以包着紫菜品嚐，甘飴萬分；黑鯥相當矜貴，但佢小編較喜歡有火炙後嘅口感。👍🏻鐵板燒南非四頭鮑魚 食得鐵板燒，當然要叫返款海鮮享受一下，四頭鮑魚厚肉爽彈，加上黑松露淋上牛油最為滋味。👍🏻目光魚天婦羅天婦羅炸得酥脆可口且不油膩，岩哂饞咀又怕太邪惡太煎炸嘅小編。目光魚咬落細緻，肉質嫩滑，可以點上竹炭鹽、玫瑰鹽、檸檬汁👍🏻鐵板炒拉麵 炒麵有韌性，醬汁帶甜，而且以性價比嚟講相當之高！👍🏻串燒叫左牛舌芯、雞軟骨串、冬菇，同屬有口感，特別喜歡佢嘅調味非常適中，而且燒得剛剛好，亦都可以自己額外加上七味粉～最後仲有雪糕甜品送添