金田家 (已結業)

下就係登龍街行黎行去搵野食,基本上成條街都係日本餐廳咁滯,見到金田家個門牌寫到好似好威威咁,咩得獎拉麵呀,咩金田選手呀咁。不過我都係隨機搵到呢間就入去食,果日好熱,入到去好在冷氣都夠,如果唔係我即走.同朋友點左個黑蒜豚肉拉麵&赤口豚肉搵麵,仲有炸牛肉薯餅。首先係黑蒜湯底,湯面唔太油,湯溫岩岩好,唔會熱到嘔,可以大大啖咁食。湯底好濃,黑蒜味好出好正,濃而不咸。拉麵麵質彈牙。豬肉肥瘦比例剛好。加左辣椒醬既豚肉拉麵,湯底係豬骨湯,相比黑蒜就沒乜特別,不過冇特別唔代表唔好食,係一碗好標準既日本豬骨湯,麵同埋豚肉都同上面果段一樣。