影片
更多
2020-05-21
272 浏览
2020年2月4日。晴。鰂魚涌。治癒菓子店好早已經聽聞過，但係佢非常神秘！經過無數次，每次都唔開門，一直以嚟佢都係一個遙不可及嘅神話。。。。。。搵到佢嘅ig，知道開售時間係13:15同埋17:15（只限開舖嘅日子，一星期大約有2-3日，但唔會係星期六日）謎底終於解開，原來我係永遠都唔會買到㗎而疫情期間嘅work from home令我終於可以親身試下呢個神話喇～利用WFH嘅「lunch time」，準時13:15去睇下～第一次見到佢開門～～好感動！仲要已經有人排緊隊！每日最多有4款唔同嘅麻糬泡芙選擇每人限買4件！咁我緊係要買晒4款喇～入面嘅裝修雖然簡單，但好舒服～終於買到喇～～～～呢日嘅4款麻糬泡芙分別係（由左至右）：焦糖香蕉忌廉麻糬、伯爵茶榛子粒粒麻糬、髒髒朱古力麻糬同埋小山園抹茶麻糬由於年代久遠，2月嘅味道我已經記唔清楚喇。。。但最愛嘅一定記得～～～就係抹茶味喇～～身為抹茶控嘅我最最最鍾意佢微澀嘅抹茶味，可能有人會覺得苦，但係抹茶就係要咁！另一驚喜就係夾喺裏面嘅麻糬～抹茶味入面嘅麻糬都係抹茶味～朱古力味嘅麻糬都係朱古力味！另外兩款就係原味～煙韌食品都係我嘅摯愛～一件泡芙滿足咗我好多
治癒菓子店好早已經聽聞過，但係佢非常神秘！
經過無數次，每次都唔開門，一直以嚟佢都係一個遙不可及嘅神話。。。。。。
搵到佢嘅ig，知道開售時間係13:15同埋17:15（只限開舖嘅日子，一星期大約有2-3日，但唔會係星期六日）
謎底終於解開，原來我係永遠都唔會買到㗎
而疫情期間嘅work from home令我終於可以親身試下呢個神話喇～
利用WFH嘅「lunch time」，準時13:15去睇下～
第一次見到佢開門～～好感動！
仲要已經有人排緊隊！
每日最多有4款唔同嘅麻糬泡芙選擇
每人限買4件！
咁我緊係要買晒4款喇～
入面嘅裝修雖然簡單，但好舒服～
終於買到喇～～～～
呢日嘅4款麻糬泡芙分別係（由左至右）：
焦糖香蕉忌廉麻糬、伯爵茶榛子粒粒麻糬、髒髒朱古力麻糬同埋小山園抹茶麻糬
由於年代久遠，2月嘅味道我已經記唔清楚喇。。。
但最愛嘅一定記得～～～就係抹茶味喇～～
身為抹茶控嘅我最最最鍾意佢微澀嘅抹茶味，可能有人會覺得苦，但係抹茶就係要咁！
另一驚喜就係夾喺裏面嘅麻糬～抹茶味入面嘅麻糬都係抹茶味～
朱古力味嘅麻糬都係朱古力味！另外兩款就係原味～
煙韌食品都係我嘅摯愛～一件泡芙滿足咗我好多個願望！
有機會買到佢嘅朋友一定要試下呀！
返番工嘅我。。。已經冇機會再食喇。。。
含淚推薦！！！
张贴
