PHI Coffee & Pancake (卡佛大廈)

营业中

休息中

中午咁啱經過，唔使等位即興直入，坐低冇耐就爆棚，不過張枱有啲細。辣茄汁蟹肉意粉 — 係西餐辣椒醬嗰隻辣味，食落幾香口。蟹肉淨係得圖中喺上邊少少，份量唔太多，撈埋之後都唔係太食到蟹味。牛肉意大利飯 — 個意大利飯幾出色，口感濕濕地都係茄汁底，不過今次係唔辣嘅茄汁。反而牛肉一般。最後梗係唔少得甜品疏乎厘，士多啤梨醬唔會太甜，加埋cream嘅口感一流，疏乎厘亦都熱辣辣，軟綿綿，仲有蛋香，口感又香又滑，撈埋成個一齊食，簡直係享受。上菜都好快，lunch hour食一個鐘都夠。