影片
更多
2010-07-03
36 浏览
一直都好期待黎呢度食下嘅魚生壽司，今次終於有機會去見佢一面…食完唔單止無失望，而且仲有一種相逢恨晚，欲罷不能嘅感覺，因為實在太好味喇！見城入面並冇豪華嘅裝修，入面只係樸素平實嘅日本壽司店設計．檯面上嘅茶杯印有一位壽司師傅嘅卡通造型，外型上同吧檯入面果位日本老師傅有啲似樣，莫非照住黎設計？餐前有個茶碗蒸，冬菇銀杏雞肉日式魚蛋呢啲一定少不了，蛋本身蒸得非常滑溜，熱辣辣都幾好味～真係幾想食多個！近年瘋狂愛上秋刀魚刺身，由於成本餐牌都係日文，所以直接問下有無秋刀魚刺身，經翻譯後知道今日返左貨！$120一人前雖然唔係平，但見到舊刺身咁靚咁新鮮，真係抵返晒啦～一人前份量只係得幾舊，但係真係舊舊都食得好過癮，魚味濃郁到不得了，而且極度肥美，每一啖放入口都令我相當滿足嘅油脂....Yummy!! 我ORDER左一個自選壽司SET，８件壽司加一種卷物，卷物我選擇了鐵火卷，其他８件分別係中拖羅，油甘魚，海膽，三文魚籽，沙甸，平政，池魚同埋BABY吞拿~見城用料有幾高級，有幾出色，我一向都無懷疑過．雖然不少人覺得呢度貴得過份，但真係一分錢就一分貨，唔駛睇其他，單係睇下海膽同埋魚籽就知有幾得，呢種味道我在築地
見城入面並冇豪華嘅裝修，入面只係樸素平實嘅日本壽司店設計．檯面上嘅茶杯印有一位壽司師傅嘅卡通造型，外型上同吧檯入面果位日本老師傅有啲似樣，莫非照住黎設計？
餐前有個茶碗蒸，冬菇銀杏雞肉日式魚蛋呢啲一定少不了，蛋本身蒸得非常滑溜，熱辣辣都幾好味～真係幾想食多個！
近年瘋狂愛上秋刀魚刺身，由於成本餐牌都係日文，所以直接問下有無秋刀魚刺身，經翻譯後知道今日返左貨！$120一人前雖然唔係平，但見到舊刺身咁靚咁新鮮，真係抵返晒啦～一人前份量只係得幾舊，但係真係舊舊都食得好過癮，魚味濃郁到不得了，而且極度肥美，每一啖放入口都令我相當滿足嘅油脂....Yummy!!
我ORDER左一個自選壽司SET，８件壽司加一種卷物，卷物我選擇了鐵火卷，其他８件分別係中拖羅，油甘魚，海膽，三文魚籽，沙甸，平政，池魚同埋BABY吞拿~
見城用料有幾高級，有幾出色，我一向都無懷疑過．雖然不少人覺得呢度貴得過份，但真係一分錢就一分貨，唔駛睇其他，單係睇下海膽同埋魚籽就知有幾得，呢種味道我在築地感受過之後，香港真係一直都搵唔返，在見城我搵返晒！
wasabi呢樣野我無乜研究，但師傅現場即磨呢下就只有高級日本食肆先至有，感覺完全加晒分，而且食落去又真係唔同，辛辣得黎唔嗆喉～掂！
跟set 嘅雖然只係中拖羅，而唔係餐牌上最肥美果款，但係果種美味程度真係令我非常雀躍，入口即溶，油脂剎那間爆發嘅感覺真係好難筆墨形容，唯有等大家親身試下！如果Budget可以嘅話，一定要試下最肥美果隻極上拖羅，不過先聲明一人前份量都要$600，而且可能都係得三四舊，哈哈！
除左壽司set 之外，三色丼同樣正到爆！有海膽，魚子，墨魚加埋紫菜絲，後者雖然可以轉做三文魚，但咪玩啦！黎到呢度轉三文魚真係會俾人笑！海膽鮮甜不特止，魚籽又夠爽脆，咬落卜卜聲，excellent！整體味道絕對無可挑剔，而且飯粒醋味岩岩好，正到爆，真係食多多飯都唔夠喉...
最後送上芝麻，紅豆雪糕...為呢餐超正嘅午飯畫上完美句號！
张贴
