好味餃子店

营业中

休息中

收工後去開長沙灣，想食餃子所以去咗附近一間好出名嘅餃子店「好味餃子店」，店舖位於元州街盡頭，即大中華後面。餃子出名在於激Juicy皮薄爆餡，有湯餃和煎餃2款。餃子種類也不少，包括有粟米、韭菜、白菜、芹菜、雲耳椰菜、甘荀沙葛和芫茜。選擇了湯餃和煎餃各一款，10隻為$47 （單拼），雙拼$49。湯餃選擇了韭菜和雲耳椰菜，兩款餃子都同樣咁好味，皮薄餡靚，肉和菜比例剛好，不會太多肉，而味道亦調教得恰到好處。值得一題的是佢個湯底，是野葛菜生魚豬骨湯，湯味濃郁而又帶點魚湯的鮮甜味，再加上不加味精，第一次食餃子會連湯都飲光😆煎餃則選擇了芹菜和甘荀沙葛。煎餃的形狀與一般煎餃不同，是比較扁平，兩邊煎得完全香脆，口感有點似炸餃子，非常香口。喜歡甘荀沙葛，有口感又好味，而芹菜亦同樣出色。