好味餃子店

营业中

休息中

“付款方式自費現金付款”今晚老公話想食餃子，睇下近近地又唔駛行太遠又可以食倒。餃子店有種小店感覺👍🏻雖然落緊大雨我哋都無懼天氣影響，我地就直接行過去” 好味餃子”，落單係用手機落單，我哋叫咗兩個雙拼煎餃子一個係韭菜肉餃拼甘筍沙葛肉餃，同粟米肉餃拼雲耳椰菜肉餃。唔係等好耐已經有得食🥹其實我哋仲有叫咗嘢飲係豆漿但唔記得影。豆漿好快俾好快已經飲完，細豆漿$8 一杯叫左兩杯。**落咗單先見到芫茜肉餃，下次要試下先

我好鍾意食餃子，今日去開長沙灣就特登試吓好味餃子店，即刻變成我top 5喜愛餃子！食咗佢兩款湯餃，都皮薄多餡，豬肉係碎瘦肉，完全冇肥膏粒，啱晒我口味，芫荽同韭菜份量好多，應該有五六成，所以好重菜味正呀湯底係野葛菜生魚湯，雖然有少少魚腥味，但係可以下火，所以我連湯都飲埋！辣椒醬加咗少少菜脯，我覺得幾香，如果菜脯譜大粒啲有咬口啲就再啱我啲！10隻湯餃單拼係$47 ，價錢中規中矩啦！

好味餃子店 (長沙灣)長沙灣元州街497號地舖係福華街將會大規模重建既兼善里既附近新舊交融嘅地方，坐落於荔枝角同長沙灣中間，非常抵食乾淨餃子店。下午茶30幾蚊有餃子有野飲除咗餃子之外，仲有車仔麵湯餃嘅湯底係野菜葛角生魚豬骨湯有粟米、韭菜、白菜、芹菜、雲耳椰菜、甘筍沙葛同芫荽肉餃可選擇試咗韭菜同白菜，非常足料脹卜卜白菜肉餃仲有少少筍，有咬口之餘味道都非常有層次天時暑熱，飲返個凍羅漢果水，非常舒服，另外都可以試吓車仔麵墨丸彈牙足料，價錢相宜不錯嘅餃子店，抵食夾大件行過唔好錯過！

芫荽愛好者可以嚟一試喇由於呢排做嘢實在是太忙啦，所以晚餐完全唔想煮，但係又唔想食得太Heavy ,所以決定今晚一於要食餃子叫咗個外賣韭菜餃同芫荽餃韭菜餃就不嬲都非常之好味㗎啦好少舖頭會失手至於芫荽餃，呢間舖頭整體嚟講都係幾好食，鍾意食芫荽嘅朋友可以一試今次我揀嘅係煎餃子，就算外賣返去都仲熱，同埋味道都好食嘅，皮脆內軟。另外仲嗌咗佢哋嘅豬耳仔，都好味同埋滷水好入味！豬耳仔都唔會話非常辣，唔太食得辣嘅朋友都可以試

經過呢頭附近，突然想食餃子，見到餐牌，價錢親民，就入左黎好味餃子店試下。呢度仲有包餐飲lunch set $47 同 tea set $33  , 不過我早左黎，未到tea time , 就單叫左一份單拼湯餃同一份雙拼煎餃同埋加左杯凍雪梨茶。♥️單拼湯餃（6隻）$37皮薄，雲耳椰菜好足料，肉質鮮味，仲要不可不提個湯底，飲得出係老火湯黎。好味力推👍連個湯我都飲晒👍♥️雙拼煎餃 （6隻）$39我點左雲耳椰菜同韮菜，餃皮煎得好脆，即叫即煎，肉餡都好足，煎餃我就推韮菜味，韮菜味濃，適合香口外皮。♥️凍雪梨茶 $8好清甜，解薯，飲到杯底有好多雪梨肉，真係新鮮雪梨肉，唔係化學野黎。見到店舖客似雲來，店員忙過不停，真係抵佢咁好生意。

位於長沙灣嘅「好味餃子店」,無疑係一間值得一試嘅餐廳。作為一間以餃子為主打嘅店舖,佢哋的餡料絕對令人驚喜。提供多款口味,包括粟米豬肉、韭菜豬肉、白菜豬肉、芹菜豬肉、芫荽豬肉、雲耳椰菜豬肉,以及甘筍沙葛豬肉等等,各有特色,切合唔同食客嘅喜好。餡料鮮嫩多汁,包餡飽滿,入口爆漿,極富層次感。無論係煎餃定係湯餃,每一款都能盡顯餃子嘅獨特風味。而且,佢哋嘅湯餃都非常出眾。湯底由野葛菜、生魚和豬骨熬製而成,味道甘甜鮮美,彷彿能滋養身心。餃子皮薄而韌,搭配上一口湯,整體口感相當圓滿。

好多年前開始，就已經經常喺長沙灣、太子（唔知有冇記錯呢？）好鍾意食呢間餃子舖頭。呢間餃子舖頭都係我第一間知道原來夾埋辣嘅菜譜食餃子係真係咁好味，仲要佢嘅煎餃包法係由佢獨有嘅包法所以加埋佢冇味精嘅湯，又係一個味蕾嘅昇華層次再者就係其實佢午市套餐，都有一啲好抵食嘅麵食但我個人嚟講就淨係鍾意食餃子，所以大推！

小店嘅湯底用左野葛菜生魚豬骨湯，湯餃都有配呢款湯😍飲落好夠火候好特別👍.🍐甘筍沙葛肉湯餃 配雪梨水 $33呢款係下午茶餐，有5隻餃子🥟，可以揀湯餃或者煎餃。仲有豆腐、羅漢果茶或雪梨水揀。湯餃子皮唔會過厚，餡好飽滿！好少會有甘筍沙葛餡，食落夠爽口，雪梨水好清甜。.🥟煎韭菜肉餃拼粟米肉餃 $49外皮煎到好脆，韭菜好香🥬粟米原粒加入肉餃，增添口感🌽.📍 好味餃子店 (長沙灣)長沙灣元州街497號地舖

健康餃子，真係超級中意甘樣既健康食，細細閒舖，但係睇得出開左好耐啦，街坊好多，煎餃子！！超正啊，出面香脆，入邊濕潤，一咬就可以流少少汁出黎，超正！！最緊要係果碗老闆自己熬既野葛菜生魚豬骨湯！！止痰止咳，好鮮味，仲可以有清熱功效，一碗湯，一份煎餃，完全不二選擇。記得要埋辣椒。

雖然好耐無出post，但最近食過一間餃子小店令我忍唔住都要寫一下。呢間位於荔枝角與長沙灣之間嘅餃子店，舖面細細但好有人情味。環境 ✅✅✅✅雖然舖面舊、唔大，但整體嚟講都好乾淨，呢下先難得！味道 ✅✅✅✅✅我點咗煎韮菜餃10隻，同行朋友就叫咗雙拼餃10隻，餃子size適中、都夠飽滿，韮菜餃味香濃。同行朋友叫咗粟米餃拼韮菜，都係好好味。性價比 ✅✅✅✅✅10隻餃$47、雙拼10隻$49，一定食得飽你！如果驚唔夠飽，仲可以加錢加多個麵，湯餃拼麵加多$9、煎餃拼麵加多$16，所有價錢都相當合理，唔貴囉！

和老婆吃了兩份35元5隻餃子的下午茶餐，一份湯餃一份煎餃。餃子看得出是自己包的，每隻連皮就一匙羹的大小，咬下去偏鬆，未至於八方雲集的散但也差不了太多。由於料本身不是很充實，到煎餃時水份一煎走就顯得更扁，這個料的份量也是少得很少見的了。和餃子成反比的是它的野葛菜生魚豬骨湯，相比其他賣湯類的餃子店，它的湯明顯濃得多，濃得我差點以為加了味精，這個是在家才會有的味道。其實簡單算一下，家裡煲湯一般料和水比例是1:1.5,假設一天賣200碗，每碗300ml水，一天下來就是60L的水，比例上是40L的料，你就要兩個能滾50L的60L鍋。而且餐廳的高峰就那幾個時間，這兩個鍋是要同時工作的。數字騙不了人，你看一看餃子店的大小，其實就大概知道它的湯是怎麼做出來的了。店很小，客流量很高，湯又很濃的，你可以想一想這個湯是怎樣來的.好味餃子店的湯，對我來說很有驚喜，是我暫時喝過最足料的餃子店湯。

餃子健康又好吃，前幾天在葵芳吃了好味餃子店的餃子，今天又忍不住在長沙灣附近找了家好味餃子店吃下午茶。這家店的餃子有多種口味，韭菜肉餃，甘筍沙葛肉餃，白菜肉餃，雲耳椰菜肉餃，芫茜肉餃，粟米肉餃，芹菜肉餃。還可以買生餃回家自己煮來吃，好方便。湯餃餃子外皮夠薄有彈性，選了栗米肉餃，每一個都是鮮嫩多汁，味道鮮美煎餃金黃色、外皮酥脆的煎餃子，內餡的味道鮮美，調味適中，讓人愛不釋口。搭配醋或者辣椒油，更加增添煎餃子的風味

荔枝角啲餐廳都幾貴吓，最近有同事介紹長沙灣嗰邊有條街，啲嘢食肆價格合理好多🤣，所決定就行遠啲食平啲！呢間主打餃子嘅小店就係唔錯嘅其中一間😉，車仔麵$30就有兩餸，單拼湯餃$37就有6隻，簡值係糧尾恩物！🥟湯餃雙拼 $49/10隻價錢雖然平，但餃子好足料，隻隻飽滿，皮薄順滑！白菜肉餃淡淡肉嘅感覺，粟米肉餃就多咗爽口嘅口感。🐟配埋小店招牌嘅野甚菜生魚豬骨湯，味道奶奶哋有肉味，每日熬制4小時，唔含味精，食完都唔會口渴。Menu仲寫住可以降火清熱、化痰止咳，係咪有效就唔知了，不過肯定唔係鹽加水hea你！🥟煎餃單拼 $47/10隻今次煎餃就揀咗韮菜肉餃，煎得金黃香脆，皮嘅厚薄適中，唔會太熱油太熱氣，堂食首選！🥛豆漿 $8去小店又點少得豆漿，唔太甜，又健康，仲好解渴𠻹！

：去開長沙灣嗰邊就搵下有咩食🤤望落去好似開咗好耐既小店。下午茶時份黎就唔會好多人，除咗有餃子set都有下午茶set，價錢十分抵😉本身糾結緊叫湯餃定煎餃，見到個湯底咁特別 係野葛菜生魚豬骨湯，仲要係自己煲嘅，即刻叫湯餃子粉面油套餐 跟一杯飲品試下🥰🌟雲耳椰菜餃配上海麵 &豆漿 $47 皮薄得黎好足料😜呢個好香好有驚喜，而且整得爽口之餘仲有湯汁☺️呢款通常都好穩陣，好難做到好有驚喜😙豆漿好濃郁，唔會過甜😌🔺野葛菜生魚豬骨湯好濃，胡椒味都幾重，同埋唔會好腥，有降火，化痰止咳等功效😙🌟韭菜餃配上海麵 & 羅漢果甘草茶 $47雖然係湯餃，韭菜都算香口，而且韭菜同肉嘅比例都恰到好處，好平均唔會話韭菜多或者肉多😙羅漢果係清甜嗰種甜，帶有小小甘味，好少餃子舖會有呢類飲品賣😗

我跟男朋友不嬲都超級鍾意食餃子 今日跟男朋友到長沙灣行街 就去呢間新鮮制作的餃子店試幾款唔同餡的餃子🥟😎我地分別叫了十隻煎餃（雙拼）同埋五隻水餃share嚟食 然後再叫了2杯飲品 十分滿意煎餃我地叫了雙拼 個餡分別係韭菜跟雲耳椰菜欣賞佢個皮係幾薄既 做到脆身的效果 同埋餃子是新鮮熱辣辣咁即刻煎 大讚🙌🏻2款餃子的餡都各有特色 餡料也很多 ❤️👍另外 我地湯餃子則點了白菜🥬餡 湯餃的皮也很薄薄的 但唔會穿餡出來 👍 同埋個湯都好香好飲 😆我揀了一樽凍豆漿而男友則揀了杯熱雪梨水豆漿不會太甜 有啖啖的豆香 很喜歡💕至於雪梨水則很清潤 甜甜的 養生必選！