影片
更多
2017-08-24
416 浏览
因為知道會打風，所以同女朋友今晚出來食下飯，明天可以瞓晏D嘛。 今次就黎左尖沙咀的<<黃記煌三汁燜鍋>>。 呢個品牌係國內聽聞好出名，今次開到黎香港，真係要試下佢既燜鍋。而呢度既裝修擺位都非常舒適。 而每張枱都已經準備好一個窩及工具。 餐牌就好有風格，似一道門，開門之後，圖文並茂。 揀完用點餐紙劃就可以。 每枱會有一碟<<竹炭花生>>，好爽口。 今次我地揀左自選燜鍋，可以揀四款材料。等一陣，侍應就拎住一個大既紅色壺。原來入面就係今次燜窩既食材，好特別。 頂層是十種蔬菜，包括紅棗、杞子及薯仔等。 侍應會將其平均鋪上鍋中。 然後就是平均地鋪上四種自選的材料，而我揀既係牛肚、墨魚仔、石斑魚柳及廣島蠔。 最後再燜多十分鐘左右，就加上香辣鼓皇汁，再燜多十分鐘左右，整過過程約20分鐘左右。 完成後，香味撲鼻。我最愛的是牛肚，入口爽韌，廣島蠔十分大隻新鮮。而墨魚仔雖然縮左水，但入口都十分爽口。而女友最愛就是石斑魚柳，入口十分滑。加上香辣鼓皇汁，小小辣，小小咸，完全唔使再點調味料。而底下的蔬菜，也食哂你一定腸胃健康不
今次就黎左尖沙咀的<<黃記煌三汁燜鍋>>。
呢個品牌係國內聽聞好出名，今次開到黎香港，真係要試下佢既燜鍋。而呢度既裝修擺位都非常舒適。
而每張枱都已經準備好一個窩及工具。
餐牌就好有風格，似一道門，開門之後，圖文並茂。
揀完用點餐紙劃就可以。
每枱會有一碟<<竹炭花生>>，好爽口。
今次我地揀左自選燜鍋，可以揀四款材料。等一陣，侍應就拎住一個大既紅色壺。原來入面就係今次燜窩既食材，好特別。
頂層是十種蔬菜，包括紅棗、杞子及薯仔等。
侍應會將其平均鋪上鍋中。
然後就是平均地鋪上四種自選的材料，而我揀既係牛肚、墨魚仔、石斑魚柳及廣島蠔。
最後再燜多十分鐘左右，就加上香辣鼓皇汁，再燜多十分鐘左右，整過過程約20分鐘左右。
完成後，香味撲鼻。我最愛的是牛肚，入口爽韌，廣島蠔十分大隻新鮮。而墨魚仔雖然縮左水，但入口都十分爽口。而女友最愛就是石斑魚柳，入口十分滑。加上香辣鼓皇汁，小小辣，小小咸，完全唔使再點調味料。而底下的蔬菜，也食哂你一定腸胃健康不小，我最愛就是薯仔。
食完後，可以加上湯水，打邊爐。我就點了炸魚皮、貢丸及牛筋丸。炸魚皮最重要當然係要夠脆同爽啦。
貢丸及牛筋丸只點了半份，打邊爐又點可以少得丸類呢。
不過最驚喜的是黃記煌竟然同許留山合作。飲品當然要揀<<粒粒芒果西米>>，女朋友就揀左<<粒粒芒蘆薈爽>>，解渴之餘，真係啖啖芒果肉，跟出面買的一樣，加哂分。
最開心就係仲有許留山的一系列甜品<<楊枝甘撈>>向來是我的最愛，除左多芒果肉外，芒果雪糕都非常出色，一片片的質感，特別得來，口感十足。
张贴
