影片
更多
2004-11-09
13 浏览
尋日係三大慶祝日子之一，梗緊係要搵個地方好好慶祝一下，免得遭到日哦夜哦之苦。原本想去d酒店之類的餐廳食下便算，但話晒都叫做第一年慶祝，都想搵個浪漫少少，又有私人房間夠privacy的食店，終於揀左呢度。一如其他食家一樣，到達樓下後，要打電話上去搵人黎帶你上去，地址保密功夫要做成咁，都係應該的。由個笑容有加的少女帶我地上去，單看門口完全同一間普通住宅冇分別，但當你一進入.......嘩!真係好似進入第二個國度，通過走廊經過大廳，那暗暗的燈光加上陣陣的香薰氣味，古式的燈飾配合牆上的壁畫，古典的傢私乘托著發出柔和光線的蠟燭，已經先給我們一個驚喜。入到房間，由阿Joyce作簡單的地方介紹之後，便給了我們二人一點時間拍照，露台景點位當然唔少得。佈置上真係下過唔少功夫，無論由洗手間、房間到露台，都做得非常之有心思。講番食物，兩個人都order了兩個6-courses的餐，同埋叫左杯白酒同橙汁。共四個Appetizers : i) 煙肉菠菜焗蠔—個蠔好大隻，混合菠菜及煙肉焗成，再由粗鹽墊底上，由於個餡裡面有煙肉，比起一般焗蠔入口時會略帶鹹味，加上餡中的菠菜，把蠔的鮮味都帶出了來。ii)煎
一如其他食家一樣，到達樓下後，要打電話上去搵人黎帶你上去，地址保密功夫要做成咁，都係應該的。
由個笑容有加的少女帶我地上去，單看門口完全同一間普通住宅冇分別，但當你一進入.......嘩!真係好似進入第二個國度，通過走廊經過大廳，那暗暗的燈光加上陣陣的香薰氣味，古式的燈飾配合牆上的壁畫，古典的傢私乘托著發出柔和光線的蠟燭，已經先給我們一個驚喜。
入到房間，由阿Joyce作簡單的地方介紹之後，便給了我們二人一點時間拍照，露台景點位當然唔少得。佈置上真係下過唔少功夫，無論由洗手間、房間到露台，都做得非常之有心思。
講番食物，兩個人都order了兩個6-courses的餐，同埋叫左杯白酒同橙汁。
共四個Appetizers :
i) 煙肉菠菜焗蠔—個蠔好大隻，混合菠菜及煙肉焗成，再由粗鹽墊底上，由於個餡裡面有煙肉，比起一般焗蠔入口時會略帶鹹味，加上餡中的菠菜，把蠔的鮮味都帶出了來。
ii)煎鵝肝—鵝肝外層煎得脆口，裡面的鵝肝肉保持肉汁的鮮美，食落沒有揩口感覺，因太座不沾內臟關系，這件食品就便得完全私有化了。由酸酸的藍梅伴碟，感覺就不會太齋太膩了。
iii)意大利芝士配蕃茄—我一向都很少食芝士，因為不愛芝士發出的味道，這裡用上的芝士反而沒有那種抗拒味，入口的感覺就像蛋壽司的那片蛋，有彈性而不溜。
iv) 磨菇鵪鶉—原隻鵪鶉燒得平均而不，但就覺得沒有什麼味道，幸好有磨菇墊底，可稍為補充味道。
湯分別有南瓜湯及洋蔥蝦湯，兩個湯都做得幾清甜可口，洋蔥湯裡面粒粒新鮮的蝦肉，將個湯弄得非常之夠味。
喝完湯後，就來了兩個Sherbet，清新的青檸味，作為主菜前的準備，唔錯。
主菜分別有:
i) 大蝦石班柳—煎石班塊厚度平均而不太厚，亦沒有腥味。石班面放上大蝦，蝦肉與蝦殼很容易就分得開而不癡殼，鮮味有但卻不夠之後的一碟龍蝦肉。
ii) 龍蝦扁麵—半隻龍蝦仔，海水鮮味充足，份量剛好而不太膩，但就略嫌個扁麵落了過多的芝士，食得龍蝦黎已沒有太多胃口食d 扁麵了。
甜品是
i) 酥皮芒果雪榚—酥皮鬆脆，包著內層微暖的芒果布丁及生果粒，再配上金泊芒果雪榚，好味道。
ii) 還有的是Chocolate Pudding —內層的朱古力不夠滑，沒有一切開就流出來的感覺，亦配上金泊雪榚，反而覺得沒有做得比酥皮芒果雪榚好。
嘩，食完一大輪野，在等餐茶送來之際，就走出露台望下感受下浪漫氣氛o麻，因對面的樓宇都幾近，很清楚便可見到屋內的人一舉一動，正跟太座研究會否有「fashion show」睇之時，對面的一個單位裡已走出一個剛洗澡完畢包著毛巾的大隻佬。還未來得及去想其他東西時，大隻佬就已經一絲不掛地…………哈哈，估唔到有咁既意外驚喜呢！可惜係男啦，淨係益到太座……可惜可惜！
這一餐真是非常滿意，除食物環境有水準外，還贈送意外驚喜呢，值回票價啦！
講番轉頭，如果要兩個人慶祝大日子，呢度真係值得一去，見識一下私房菜原來都可以玩到咁。
张贴
