影片
更多
2014-05-22
2356 浏览
記得XO仔讀緊小學嗰陣時，有位個子高大o既國畫老師，每次課堂都會有下午茶時間，師生們都會一邊食點心，一邊閒談聯誼。有一次下午茶食小籠包時，小肥提到自己愛吃小籠包，一次過食一打都冇問題，點知老師不大相信小肥o既食量，所以就擇日同學生比試一場，鬥食小籠包 。哈，結果因小籠包數量不足，師徒兩人不分勝負，但自此之後，老師就為學生封咗個別號為「迷你小籠包皇」，仲話以後每次食小籠包都會諗起學生添 ！「迷你小籠包皇」XO仔每次見到有新o既上海菜餐館開張都非常期待；整個四月，每日路經正在裝修中o既「上海姥姥」時亦不例外。得知「上海姥姥」於4月29日正式開幕，小肥就約埋公司位會計姐姐，以佢生日為名一齊去試食。「上海姥姥」位於灣仔核心地段，巴士站及電車站旁o既W Square，交通方面搭地鐡可以話係最唔方便，灣仔站或銅鑼灣站出都要行成10-15分鐘。因為「上海姥姥」選用有色玻璃窗以防紫外光及黃昏時候o既西斜，所以正門及其舖位並不突出，但亦正因如此，室內氣溫同時亦更覺涼快舒適 。唔知係咪同其前身為壽司店有關，店內中央設計為貌似迴轉壽司枱o既圓形吧枱，合共20個高櫈座位。吧枱右邊為散枱，座位數目都係20
「迷你小籠包皇」XO仔每次見到有新o既上海菜餐館開張都非常期待；整個四月，每日路經正在裝修中o既「上海姥姥」時亦不例外。得知「上海姥姥」於4月29日正式開幕，小肥就約埋公司位會計姐姐，以佢生日為名一齊去試食。
「上海姥姥」位於灣仔核心地段，巴士站及電車站旁o既W Square，交通方面搭地鐡可以話係最唔方便，灣仔站或銅鑼灣站出都要行成10-15分鐘。因為「上海姥姥」選用有色玻璃窗以防紫外光及黃昏時候o既西斜，所以正門及其舖位並不突出，但亦正因如此，室內氣溫同時亦更覺涼快舒適 。
唔知係咪同其前身為壽司店有關，店內中央設計為貌似迴轉壽司枱o既圓形吧枱，合共20個高櫈座位。吧枱右邊為散枱，座位數目都係20個，不過舖排方面可隨意合拼成二人枱、四人枱、六人枱、八人枱；因地方唔大，十人枱會好勉強。吧枱左邊則為收銀處及透明玻璃窗隔住o既廚房，食客可以清楚望到入面有五位戴哂帽o既師傅仔不停地搓麵粉及包製小籠包，感覺衛生專業。
為咗要避開條「一點鐘午飯人龍」，小肥特意向老闆申請早20分鐘放晏，我地到步時，餐廳剛剛好只剩吧枱一角o既兩個位。眼見同行年過花甲o既會計姐姐身材比較矮小，入座高櫈可能會有難度，帶位姐姐好細心地問我地要唔要等非吧枱o既座位；身手靈巧o既會計姐姐連聲拒絕，仲好迅速地上座，話免得其他人折足先登wor ；其他服務生見狀，都好客氣為婆婆推櫈，當然亦不忘咗扶我一把啦！我地坐o既圓形吧枱中間只有一位四眼哥哥，負責哂所有吧枱入o既服務，包括為二十位吧枱客人落單、傳菜、加茶等，以及為全場客人分派飲品，可以話係一腳踢，不過好在佢都控制得到。
會計姐姐真係好眼力，短短幾分鐘已經留意到每個服務生心口都有個蝴蝶，估計蝴蝶應該係餐廳個logo，見隻蝴蝶好似好有意思咁，小肥臨走前就好唔怕羞地問姐姐仔借咗黎影返幅相。
話明係同會計姐姐慶生，當然係由佢決定食咩啦，結果佢叫咗一客頭盤、一籠小籠包、同粗炒作長壽麵。我地二人都嚇咗一跳，因為食物五分鐘內已經開始陸續上枱 ，效率真係高到有少少難以置信，不過當然，午飯時間可以咁快絕對係好事！
雞絲粉皮（$42）：底層o既粉皮乾爽得黎唔硬，又唔會因麻醬而變得一pat pat；涼拌雞絲唔乾唔鞋，青瓜絲亦好爽脆，整體濕潤爽脆，非常合格！此外，雖然雞絲粉皮係冷盤，但唔會話好涷，牙齒極度敏感o既會計姐姐一再叮囑小肥要喺食評內提及依一點 。
姥姥小籠包（$32/四件）：「姥姥小籠包」果然係招牌點心，每組客人面前都最少有一籠。小籠包即叫即蒸，又唔需要等太耐，每籠$32，有四件，每件新鮮滾熱辣，湯汁足，皮薄得黎唔易穿，加上餡靚唔肥膩，小肥同會計姐姐比兩個「讚」 ！
姥姥家鄉粗炒（$58）：姥姥粗炒賣相不俗，麵條煙韌彈牙，又唔會話好油，只係欠缺咗少少鑊氣。
「上海姥姥」開業不足一天，小肥就搶閘去試食，得出結論為「上海姥姥」環境不俗，感覺衛生，食物質素頗高，價值尚可以接受。此外，服務生理應仍在熟習階段，但表面睇黎，工作人員對流程都非常熟識，最難得就係雖然餐廳並冇加一服務費，但仍不減侍應們細心及勤奮o既態度，就連出名挑剔o既會計婆婆都咁滿意，抵小肥比多兩個「讚」 ！
张贴
