影片
上海姥姥食物质素一向都唔太差，今日两个人一共叫左3样野，全部都好好味👍🏿不过我谂呢间野有一个特别之处就系佢既室内餐厅设计几特别，同其他分店稍有不同，就系一入门口佢就已经有一个bar枱设计。呢间分店本来面积已经唔大，再加上呢个bar枱设计，可谓放其他座位的可用面积变得更小，不过成个设计小编觉得又无咩违和感，反而重几舒服。甚至适合一个人黎进餐，例如坐bar枱叫返碗担担面😋😋确系湾仔閙市中，一间可以舒服抖抖，整个好性价比既上海菜餐厅👍🏿👍🏿
继续阅读
无心插柳遇到轩尼诗的江南 上星期原本出湾仔食上海菜放题，中间遇到一啲事，阴差阳错路过好久以前嘅寿司铺已经华丽转身成为上海菜，见到门面几干净就走咗入去，装修几光猛，一入去见到中间张bar枱，不过入面无乜人！ 睇下个餐牌，基本上海苏杭地道食物都有，拉面、包点、小食同小菜，餐牌注明会用上「手制拉面」！ 门口入嚟就见到师傅喺度拉面同整小笼包。 最喜欢点拼盘，啱晒想试晒唔同口味嘅我！ 最后点咗醉鸡、醉猪手同鸡丝粉皮。酒味尚算可以，醉鸡肉质唔鞋，尚算滑溜。猪手就未够入味，不过猪皮够厚够爽。鸡丝粉皮其实无乜特别惊喜，已经系喺街食到比较好嘅鸡丝粉皮。 而个担担炸猪扒面呢，炸猪扒系另上嘅，炸得几干身，猪扒刚刚炸起仲算juicy，放凉咗就开始干。 呢度嘅手制拉面有惊喜，系师傅即场拉嘅拉面，面条口感好好，唔敢讲好弹牙但有咬口唔系淋身。仲有担担面个花生麻酱，加咗辣味咁先够苏杭嘛～不过略嫌汤底唔够厚身。 But手制拉面必食！ 食上海菜又点少得小笼包？ 姥姥小笼包皮够薄，肉馅够鲜甜不松散，不过可能汤汁唔够，未够饱满感。 话说Aminn好钟意食葱油饼，见呢个圆碌碌咁赶致就叫咗，点知一咬之下咁厚皮嘅？其实佢真系好似Donut咁，将葱馅集中咗喺中间，油葱劲香劲浓郁！不过呢，Aminn都系喜欢较干身嘅葱油「饼」。 以湾仔人来人往嘅轩尼诗道嚟讲，假期一点左右已经开始等位，而且上海姥姥胜在大众化价钱坐得舒适，真心抵赞！
继续阅读
行开湾仔，有D肚饿，路过见门面几干净就走咗入去，装修几光猛干净，入面无乜人，可能星期二啦，好多位剩。薰蛋有少少over cook，唔够流心，不过味道唔错。个炸猪扒面，炸猪扒嘅油都几点钟干净，而且炸得几juicy, 唔会好干。小笼包都可以，皮都几薄，不过入面个汤唔够浓味，有空间改良。至于甜品，叫咗雷沙汤丸同酒酿丸子，酒酿丸子太甜，唔够酒香，雷沙汤丸个皮唔够弹牙，我用牙签吉嚟食，不过软咗D. 不过胜在坐得舒服，价钱相宜，至于食物就唔好要求太高
继续阅读
平时午餐五十几六十几一个面，到下午茶就便宜了一半，廿几三十几一个面。选择不少，水准亦没因价钱而有差。更可加十几块多加一个小食和饮品，相当抵食! 可惜下午茶时候太短太迟开始，3:00-5:30。只有早餐吃得很饱的情况下才有机会等到吃这个下午茶。牛肉面汤底清，面条ok la，五香牛肉好吃。
继续阅读
中午时段只1小时放lunch, 实在太赶。简单的一碗排骨四川担担面应该足够我享受吧。担担面面质幼细，汤底辣而不呛，味道浓厚。排骨已有进步，不是粉红色的那种, 正常了。入口软熟不油腻，食物水准尚算ok, 但食到一肚火！12时02分57秒记录了我点的食物，12时34分才有得食。点解一碗面咁简单都要等咁耐？佳因管理问题啰！还有服务人员的应变能力和态度啰！等了20分钟问了一次，答案「系呀！得一个师傅我都冇辨法」，再等了10分钟，又问了一句可否追追，台枱那个看似好有礼貌的女服务员的答案是「咁你要唔要呀」，不可以貌取人，这是什么态度呢？
继续阅读