番本日式放題 (已結業)

考試考到悶悶地，我同阿意就想去大食一下補充能量。我地係openrice千揀萬揀，見旺角番本放題都有唔少好評，於是就揀左d一間番本放題啦。一去到人山人海，叫得旺角有人氣geh放題果然係有番咁上下！好彩阿意有先見之明，一早book好枱，唔係真係有排你等。準時去到準時入得！食過放題geh朋友都知道，一入到去就緊係猛點刺生啦！但係大家掛住點野之餘，都要記得like下佢地個fb，只要show比d staff睇下，就會有鮑魚送嫁啦。首先就講下刺生先啦，d刺生來得都算幾厚geh，來得都算快，足見誠意。壽司都算幾有新意，貌相都唔差，但係裡面d炸蝦有d淋，食落就麻麻啦。野飲我地點左梅酒，酸酸地咁，幾特別，另外有另杯冰以供飲用，足見誠意。服務唔錯，d staff都好有禮貌。但係可能我地得2個人啦，我地張枱就比較細，成日都無位放新野。另外，甜品種類就唔太多，就令人略為失望。總結，成間放題環境唔錯，員工都有禮貌，服務好，係一個食放題geh好選擇！完！