影片
更多
2022-05-30
112 浏览
今日放假去荃灣接朋友收工，之後行街食飯，嚟到「牛之鍋」餐廳，集合火鍋、日本料理同甜品放題，食物選擇超過二百幾款，真係好誇張！ 我哋揀咗極上C餐，包括升級任刺身、雪花牛小扒、澳洲手切牛肉，當然仲有基本火鍋配料、海鮮、刺身、壽司、燒物、炸物同甜品等…… 落單都係用手機掃QR code，落單數量係以件數為單位，即係落單三文魚數量1，餐廳會比一件，咁就唔會造成浪費兼可以食多幾款食物，激讚餐廳嘅安排。 出面有自助火鍋區，好多蔬菜種類選擇，最緊要一樣野係好乾淨。 飲品都係自己出去攞，有2個雪櫃基本上想飲嘅都有。 火鍋湯底就揀左特色鴛鴦鍋「花膠荳香魚湯」同「香檸藤椒金湯」，朋友試飲一啖金湯話辣，我就覺得少少微辣好惹味，魚湯都好夠味唔駛點醬油都得。最快上枱竟然係刺身，有赤蝦、三文魚、甜蝦、赤貝、帶子同鮑片，赤蝦同帶子好鮮甜，我哋總共食咗3轉刺身，估唔到火鍋為主竟然連刺身都咁處理得咁好。之後上枱係火鍋配料啦，牛有澳洲M5和牛、澳洲手切牛肉、極上牛肉、草飼牛脷、海鮮類有海蝦、大白蜆同日本廣島蠔。所有牛肉切得很均衡唔會太細塊，所以食落特別有口感，鮮嫩、牛味濃郁，2個食牛狂魔掃左十幾碟牛，鍾意食牛嘅朋友一定要
我哋揀咗極上C餐，包括升級任刺身、雪花牛小扒、澳洲手切牛肉，當然仲有基本火鍋配料、海鮮、刺身、壽司、燒物、炸物同甜品等…… 落單都係用手機掃QR code，落單數量係以件數為單位，即係落單三文魚數量1，餐廳會比一件，咁就唔會造成浪費兼可以食多幾款食物，激讚餐廳嘅安排。
出面有自助火鍋區，好多蔬菜種類選擇，最緊要一樣野係好乾淨。 飲品都係自己出去攞，有2個雪櫃基本上想飲嘅都有。
火鍋湯底就揀左特色鴛鴦鍋「花膠荳香魚湯」同「香檸藤椒金湯」，朋友試飲一啖金湯話辣，我就覺得少少微辣好惹味，魚湯都好夠味唔駛點醬油都得。
最快上枱竟然係刺身，有赤蝦、三文魚、甜蝦、赤貝、帶子同鮑片，赤蝦同帶子好鮮甜，我哋總共食咗3轉刺身，估唔到火鍋為主竟然連刺身都咁處理得咁好。
之後上枱係火鍋配料啦，牛有澳洲M5和牛、澳洲手切牛肉、極上牛肉、草飼牛脷、海鮮類有海蝦、大白蜆同日本廣島蠔。所有牛肉切得很均衡唔會太細塊，所以食落特別有口感，鮮嫩、牛味濃郁，2個食牛狂魔掃左十幾碟牛，鍾意食牛嘅朋友一定要嚟食，包唔會令你失望。
食食吓朋友話無咩胃口，要留肚食甜品，果時都只係食左個半鐘，心諗咁玩野。朋友話宇治抹茶芭菲一定一定一定要食，講左三次「一定」，根據三次定律唔食就搵自己笨，一杯綠茶雪糕有紅豆、椰果粒、朱古力脆脆，脆脆同雪糕好夾，食到停唔到口，怪不得三次定律咁堅。
其他甜品有鮮雜果杯、薑汁湯丸、芒果布甸、榴槤班戟、泰式芒果糯米飯、楊枝甘露等等，因叫得太多甜品唔係好記得，特別想講係榴槤班戟，超香榴蓮蓉，甜度適中，依個甜品媲美甜品屋。
可以用3個字形容依餐就係 大滿足，一個價錢咩都有得食，食物方面又唔會將貨就價，期待下次再嚟大擦一餐。
张贴
