影片
更多
2022-06-21
2829 浏览
通常去親D食火鍋店，就會主攻多D食材的店，而多數又有刺身、又有放題個D，食材少數量，而且質素都會麻麻地，但呢一間係我試過咁多間以黎，我覺得質素真係對得起個價錢，所以要推介下！先講火鍋，我食左佢個香檸藤椒金湯，感覺好fresh，而且好特別，其實就係酸菜魚個種藤椒湯底，一路食辣得好過癮~因為一人一鍋關係，我同行朋友就叫左蟲草花松茸湯，一樣好濃味好養生！入得黎呢度當然就係食牛啦！試左佢澳洲M5和牛，肉感好鮮甜，薄切，一口一塊好正~然後不得不提係佢個和牛牛胸爽，出面街食閒閒地都過百，仲要係豐富骨膠原，狂掃左幾碟都已經回本啦！再黎係海鮮類：海蝦、大白蜆、生蠔全部食材都唔孤寒，食到就叫，佢都會俾你大份量！而且食落口都係爽口新鮮的~再講下佢既刺身系列，同一般去主打日本放題嘅質素一樣，一D都唔馬虎，又係值得一讚既位！咁仲有一樣野係差D啦掛~ 我就試下點佢D燒物，點知又係一樣炸得好好，贏晒啦~ 認真屈機喎！少油炸得好好味！然後個職員同我講，記住留肚食甜品~我心諗女人都有第二個甜品胃嘅，但係從來呢D地方嘅甜品都唔需要賦予厚望對吧~點知.............佢個宇治抹茶芭菲係睇得又好食！打卡一流喎喂！仲
先講火鍋，我食左佢個香檸藤椒金湯，感覺好fresh，而且好特別，其實就係酸菜魚個種藤椒湯底，一路食辣得好過癮~
因為一人一鍋關係，我同行朋友就叫左蟲草花松茸湯，一樣好濃味好養生！
入得黎呢度當然就係食牛啦！試左佢澳洲M5和牛，肉感好鮮甜，薄切，一口一塊好正~
然後不得不提係佢個和牛牛胸爽，出面街食閒閒地都過百，仲要係豐富骨膠原，狂掃左幾碟都已經回本啦！
再黎係海鮮類：海蝦、大白蜆、生蠔
全部食材都唔孤寒，食到就叫，佢都會俾你大份量！
而且食落口都係爽口新鮮的~
再講下佢既刺身系列，同一般去主打日本放題嘅質素一樣，
一D都唔馬虎，又係值得一讚既位！
咁仲有一樣野係差D啦掛~ 我就試下點佢D燒物，
點知又係一樣炸得好好，贏晒啦~ 認真屈機喎！
少油炸得好好味！
然後個職員同我講，記住留肚食甜品~
我心諗女人都有第二個甜品胃嘅，但係從來呢D地方嘅甜品都唔需要賦予厚望對吧~
點知.............
佢個宇治抹茶芭菲係睇得又好食！
打卡一流喎喂！
仲要佢入面嘅料係好足，有CREAM有濃味綠茶雪糕，下面D爽爽係彈牙，仲要粒湯圓都係入口即溶，
原來佢係獨立左一個廚房係做甜品！
誠意十足啦！我食左兩杯= =
我同行朋友食左3杯 (佢仲試左榴槤芭菲，又係話好入味好食) = =
张贴
