牛角次男坊 (荃灣廣場) (已結業)

話說牛角集團我試埋呢間就打齊卡啦，一直淨係知佢係食飯，而唔知佢係點食法。嚟到餐廳坐無虛席，又見好多人企左喺度，先意識到係好似快餐店咁要自己等位，等完位再去買餐然後等佢送嚟。就係咁，我企喺度望住人食企左半個鐘，終於到我。第一次食緊係食啲基本嘢先啦，於是就嗌左個豚肉嘅。啲肉都好腍，唔會又乾又硬，上面仲有隻溫泉蛋俾你撈飯，個汁就甜甜地，唔錯嘅。而另外一個就嗌左個牛角丼，佢個汁係辣辣地，啲牛都燒得岩岩好，唔會硬。每個餐都會跟個麵豉湯，佢唔似某連鎖牛肉飯店咁溝水溝到勁希，好夠味。而啲飯睇落好似細細碗咁其實好飽。