影片
更多
2012-12-30
102 浏览
好少見到一間鋪頭既評分有咁高，睇黎應該都係好野，決定去試試呢一間位於元朗洪水橋既男人廚房。幸得友有有車，放工後好快就到達目的地。位置上，好近輕鐵站，就算沒有有人既車，應該都只係用多少少時間就可以黎到，交通方便。我book咗枱，到達時7:00pm，唔係太多人，book同唔book冇乜分別。坐低一陣，店員好快已經問我地食乜，當然要食好野就要揀多少少時間。最後，我哋揀一個意式pizza、焗海鮮寛條蛋麵、BBQ曼克頓穀飼豬仔骨(半份)、德國腸拼盤、鮮橙汁、凍香濃朱古力同熱即磨咖啡，似乎唔係太多既野食，但原來份量唔少。首先出場既係德國腸拼盤，有2種腸，其中一種係黑椒，另一種我就唔係好記得喇，配埋個薯條，開頭真係唔錯，我哋幾個都覺得唔錯，至少，但d腸唔會整到太油，黑椒亦唔會太過份既黑椒。接著落黎，由於其中一位友人想飲百事，所以叫咗一個餐，係蒜蓉包+雜菜湯，聽講d蒜蓉包幾好食，食落其實d蒜蓉夠，但包唔夠熱，配合唔到蒜蓉，令我有d失望，雜菜湯唔知點解最後冇人飲。但只係計呢個餐，其實又真係幾平，包可以分到每人一件。第3樣野係焗海鮮寛條蛋麵，本人同友人們都覺得係咁多野食中較為遜色既菜色，原本係推介既菜，但
好少見到一間鋪頭既評分有咁高，睇黎應該都係好野，決定去試試呢一間位於元朗洪水橋既男人廚房。幸得友有有車，放工後好快就到達目的地。位置上，好近輕鐵站，就算沒有有人既車，應該都只係用多少少時間就可以黎到，交通方便。
我book咗枱，到達時7:00pm，唔係太多人，book同唔book冇乜分別。坐低一陣，店員好快已經問我地食乜，當然要食好野就要揀多少少時間。最後，我哋揀一個意式pizza、焗海鮮寛條蛋麵、BBQ曼克頓穀飼豬仔骨(半份)、德國腸拼盤、鮮橙汁、凍香濃朱古力同熱即磨咖啡，似乎唔係太多既野食，但原來份量唔少。
首先出場既係德國腸拼盤，有2種腸，其中一種係黑椒，另一種我就唔係好記得喇，配埋個薯條，開頭真係唔錯，我哋幾個都覺得唔錯，至少，但d腸唔會整到太油，黑椒亦唔會太過份既黑椒。接著落黎，由於其中一位友人想飲百事，所以叫咗一個餐，係蒜蓉包+雜菜湯，聽講d蒜蓉包幾好食，食落其實d蒜蓉夠，但包唔夠熱，配合唔到蒜蓉，令我有d失望，雜菜湯唔知點解最後冇人飲。但只係計呢個餐，其實又真係幾平，包可以分到每人一件。
第3樣野係焗海鮮寛條蛋麵，本人同友人們都覺得係咁多野食中較為遜色既菜色，原本係推介既菜，但係由於既汁唔夠"杰"，令到成個寛條蛋麵完全唔好食，海鮮係有，但由於係焗既關係，個汁對成個菜好重要，但偏偏佢做得唔係咁好，唯一係佢足料。上菜好快，意式pizza、鮮橙汁、凍香濃朱古力同熱即磨咖啡亦同樣上哂。唔講pizza住，友人既凍香濃朱古力唔錯，有應有既朱古力香，朱古力亦夠濃(我observe到)，友人亦話唔錯。另外，另一友人既熱即磨咖啡係所有飲品既亮點，佢既咖啡香，即使係坐得好遠既我都聞到，抵讚!!!只可惜既係，佢既鮮橙汁唔夠味，我感覺好似唔係橙汁、飲到似西柚汁，亦唔夠平時飲既濃既橙汁。
意式pizza係另一個較受我地歡迎既食品。如果我冇記錯既話，pizza好似用咗車打cheese，食落好香既芝士味，由於係hand-made既關係啦，餅身比較硬，如果傾向軟少少再加上車打芝士(可能要分開整，整既溫度唔同)，應該可以將個pizza既好食程度推至最高。店內既芝士粉亦唔夠出味，可能係本人食慣pizza必落，其實意式pizza唔落都ok。特別一提係，個pizza有分開10、14同18寸，好啱唔同人數。
BBQ曼克頓穀飼豬仔骨(半份)係我地覺得最好食既一個食物，強烈推介!!!!仲記得book枱時，店員已提醒我因有時貨源有限，可以最d order定，結果我冇order錯，豬仔骨都有唔少肉同埋最like佢既醬汁，未試過可以整得咁好食，我估佢地整豬仔骨既時間應該較長，醬並唔係就咁淋上去，食到d骨都有醬汁味，睇得出佢地好用心做，like爆!!!!好食還好食，但有樣野我覺得佢地可以改善，每一道上既時候，都唔會有任何公用餐具，每次都要我地主動咁問佢拎先有，
好似pizza咁，要戒開佢，連刀都冇把，點整開每人一件喎 =.="
题外话/补充资料：
BBQ曼克頓穀飼豬仔骨必食
(以上食记乃用户个人意见 , 并不代表OpenRice之观点。)
张贴
