影片
以上资料只供参考，请与餐厅确认详情
上回细佬生日，就试咗深水埗嘅「堤诺比萨」，感觉唔错，今次轮到细妹生日饭，都揾番啲食薄饼嘅小店，结果摷到间「男人厨房」。依家出街食饭喺稳阵嘅做法，但当小弟打去订枱时，接电话嘅店员好似有种错愕嘅反应，去到就知点解。依晚喺星期五，到达餐厅时应喺食饭嘅高时段，但全间餐厅只得几枱客，有啲冷清嘅感觉，亦明白点解订枱对佢哋嚟讲喺几罕有嘅事情。全餐厅格局一字长形，以白色为主调，装修简约，无太多花巧装饰，只喺一边有幅「草墙」及有少少绘画。餐厅尾嘅水吧已成为杂架摊，正正反映出普遍男人不修边幅嘅性情，哈哈！贯彻男人嘅「浪漫」，餐牌就简单以A4色纸印上菜式名，无咩粉饰。绿色嘅散点餐牌，印有沙律、小食、必食推介、甜点及意粉 / 焗饭5大类。红色嘅散点餐牌喺薄饼类，选择唔少，数一数有成12款，仲分为7”、11”、14”唔同大细供选择。不过，有一点好唔明，只有意粉 / 焗饭类有加配优惠，就连点必食推介或薄饼都无提供，其后所点嘅经典朱古力就证实呢点。橙啡色嘅餐牌喺精选晚餐系列，共有8款，包餐汤、蒜蓉包及餐饮，定价由$78-$288，相距都几大，亦提供其他升级或加配选择。一来嚟到主打想试薄饼，二来精选晚餐款式唔太多啱细佬妹，所以就无点到。净番嘅蓝色餐牌，一面喺升级2人餐，背面喺饮品餐牌，可见餐牌嘅编排都有啲随意。饮品选择唔多，而之前提及嘅加配或特色饮品，在小弟嚟讲真喺讲唔到有咩特色。雪糕红豆冰 +$12 喺点意粉时嘅加配特饮，奶水比较淡口，而且，好少红豆，两三啖就无晒，啲豆亦有啲煲得未够透。经典朱古力 $30细佬点咗杯朱古力，睇佢有几经典，佢话大就够晒大杯，不过，味道真喺好普通，只喺茶记嘅出品水平而已。小食拼盘 $95人多点个拼盘就最好，样样有啲可以试多啲款式，包括芝士焗薯条、洋葱圈、水牛城鸡翼、焦糖鸡翼。份量几足，而且，整体味道唔错，薯条脆而不腻，洋葱圈香口带爽，水牛城鸡翼香辣惹味，焦糖鸡翼甜甜哋带焦香。焗海鲜宽条蛋面 $60碟宽条面睇嚟焗得不俗，个面条底做得有咬口，个白汁亦调校得香滑，不过，啲海鲜料就好失色，有啲墨鱼仔、虾粒同蚬肉，但大部份都喺碎湿湿，鲜味欠奉。德国肠拼盘 $118碟德国肠喺必食推介嘅选项，所以，自不然甚有期望。碟上共有3款肠，名字就无乜考究，不过，其中一款应该喺蛇饼形嘅柏林肉肠，并伴有酸椰菜丝及酸青瓜。老实讲，啲肠嘅味道本身唔太突出，最大问题喺煎得比较干，故此口感都较为韧口，感觉麻麻。1/2薄饼 $140顾命思义，就喺鸳鸯薄饼，不过，就唔喺自选两款口味，而喺指定嘅两组配搭。专登拣最大嘅14"，果然好有睇头，一边喺莫沙里拉芝士、鲜蕃茄、时令蔬果、鸡肉、辣肉肠加辣椒汁，肉4落颇惹味，亦唔喺好辣；另一边喺芝士、羊奶芝士、松子仁、干蕃茄、蘑菇，虽然全素，但酸香好食，尤其有小弟喜爱嘅干蕃茄，茄味超浓。至于个饼底，焗得香脆，好食，要挑剔就喺整体落料偏少。今晚餐饭，细佬妹虽然无咩意见，因为佢哋对食真喺要求唔高，但小弟就觉得麻麻哋，只可以讲喺茶记嘅水平嚟做西菜。仲有一点，餐牌，以至周围都无注明需要加一服务费，事前订枱都有问过需唔需要加一，直到埋单先发觉要加一，原来只晌门口橱窗贴上星期五、六、日晚市要加一，服务上好多细节位可以做好啲。
继续阅读
行过试一试同妈妈点了一个pizza 同肉酱意粉👍🏼👍🏼👍🏼芝士控一定要叫，没有另加芝士都好多芝士虽然不算系很精致，但胜在好抵食而且好味，最重要感觉到有用心去煮
继续阅读
深水埗区内难得有间高水准的西歺厅、地点响九江亍青山道人流不多、离远见佢灯光耀眼够晒衞生谂住一试无妨、2个人坐低无乜主意随便叫个二人歺、期间见隔离枱pizza刚上枱香喷喷十分吸引、等咗不用3分钟已到我、先来一个沙律十分新鲜开胃、之后再来歺汤及自家制蒜香多士够晒香脆、小食白酒墨鱼仔够野味爽口、主菜澳州牛扒五成熟刚好原全无渣、炒意粉同样香浓弹牙、最后来个新鲜萝冰及芝士饼作为完满句号、埋单加一3佰几蚊仲想点
继续阅读
今次叫左个二人餐、猪手、猪仔骨。食物品质几好，除左二人餐的牛排有D韧，如能改善就非常好。特别一赞的系猪仔骨十分香浓咸味适中，肉质鲜嫩。餐厅环境舒适，座得几舒服。店员服务周到，有笑容。
继续阅读
呢度最好食系即叫即做嘅pizza, 好软身，简直系皮薄馅靓，又脆！最钟意食佢个 4 cheese pizza , 虽然4式芝士唔系分得好明显，虽然本人又唔太受得好臭嘅blue cheese, 但都系好钟意食！每次去嘅人都唔太多，静静地倾下都几舒服！服务都几好架，话明系man kitchen , 主厨当然系男士！之前连楼面都系清一色男士，不过今晚去就见到位后生女侍应，中和下咪几好
继续阅读