📌《sensory ZERO》尖沙咀店位於海港城連卡佛地下，喺《Marco Polo》酒店🏨門口嗰邊入就見到。
📌餐廳位於連卡佛店內一角，環境比較開陽，午餐時段都依然坐到爆滿。
📌咖啡店又點少得港女恩物呢？炸物小食、all day breakfast都係熱門之選。
📌Drink menu當然包含各類手沖咖啡同朱古力，比較特別嘅係有虹吸式咖啡☕️，唔係好多地方有呢部機整到㗎。
📌𡃁妹比較早到，仲係午餐時段，而且未食嘢，所以叫咗份午餐先。
📌午餐menu主要有藜麥沙律🥗、意粉🍝同日本飯🍛揀，價錢大概$100至$180，包一杯$40或以下嘅飲品，都唔算平。
1
蒲燒三層鰻魚滑蛋飯，$143
𡃁妹知道《sensory ZERO》出名滑蛋，所以揀咗呢個鰻魚滑蛋飯。
𡃁妹話面頭有好幾舊鰻魚🐟，肉質好彈牙，炒滑蛋蛋味香濃🥚，唔會炒得過，質感滑嘟嘟，依然保留着一啲蛋汁，仲有蒲燒鰻魚汁撈落啲粒粒分明的日本珍珠米到🍚，成個飯所有材料都非常好味又飽肚。
Crazy chocolate，跟餐價，加$15愛好朱古力嘅𡃁妹又點會放過《sensory ZERO》飲品既Signature -Crazy chocolate？嘩！啲朱古力澎湃到湧晒出嚟，面頭仲佈滿着白朱古力牛奶朱古力同黑朱古力碎，呢杯朱古力多重奏一定能夠俘虜各位朱古力🍫愛好者嘅味覺，果然係招牌菜，並非浪得虛名。🏅
📌熊妹喺連卡佛兜錯路遲咗到，去到已經係下午茶時間，仲好，熊妹都唔算太肚餓，可以點份細細地嘅下午茶。
📌下午茶menu主要有果醬多士、招牌牛角包同埋all day breakfast，包一杯$40或以下嘅飲品。
📌熊妹第一眼就睇中《sensory ZERO》招牌爆料牛角包，有三款選擇，分別係淨雙份日本滑蛋或者加埋肉鬆芝士或者午餐肉芝士，醬料用上牛油果芥茉醬。
巨·午餐肉芝士雙份滑蛋牛角包，$73嘩！都幾震撼嘅牛角包，果然啲餡料係爆出嚟，啲蛋汁同芝士係瀉晒出嚟。
滑蛋係超滑，超香蛋味，份量非常多，絕無氣場。
炸午餐肉條都非常驚喜，有兩大條，表皮炸得脆卜卜，肉質軟淋，味道鹹鹹的，連埋鋪上面嘅熱熔芝士，同滑蛋超夾，餡料分已經爆燈。
牛角包焗得非常鬆脆，超香牛油味，每層牛角酥皮嘅鬆化喺口腔內融化着，沒有一點油益味，確實係做得很出色嘅一件招牌牛角包。
Flat white，跟餐價，加$5一如以往，熊妹梗係點返自己嘅心頭好咖啡-flat white啦。咖啡味都濃，奶味都有，但奶泡層唔夠豐厚，變成唔算太重奶味，比例配搭爭少少。
📌非常寫意嘅一個下午，細聲講大聲笑🗣就喺連卡佛嘅一個角落《sensory ZERO》中渡過，踏入人生另一個階段，美食佳餚，仲有好知己相伴，平凡中顯得不平凡，熊復何求呢？
