sensory ZERO (馬哥孛羅香港酒店)

营业中

休息中

近年我覺得好飲嘅朱古力☕️Sensory Zero嘅「痴_線朱古力」一定上榜🌟痴_線朱古力朱古力味極濃郁😍佢嘅味道唔係純朱古力帶可可酸果一種，而係加咗牛奶好滑好rich果種～加上面頭鋪滿牛奶朱古力、黑朱古力和白朱古力三種朱古力碎，所以每一啖朱古力嘅濃度和甜度都有些微變化✨平時杯朱古力嘅賣相再澎湃啲，好似滿瀉咁🤣橙香美式咖啡🍊C先生平時都係飲latte多，今次係我慫恿下試其他口味，但佢覺得橙汁mix咖啡唔係佢杯茶🤣🤣貓貓法式多士🍞貓頭造型賣相得意😊軟熟夠蛋香，整體都不錯👍🏻#尖沙咀美食 #尖沙咀打卡 #尖沙咀餐廳#朱古力控 #熱朱古力 #chocolate #chocofever #frenchtoast

Sensory Zero 午餐上月中去尖沙咀文化中心聽音樂，預好時間泊車後再去食飯，五點幾鐘餐廳仍然有午餐供應，一於齊齊叫午餐，可以慳返少少錢。南瓜湯清清南瓜味，較為粗糙唔夠creamy，味道及烹調簡單直接，冇乜花巧。慢煮鴨腿linguine Linguine軟硬度適中有口感，慢煮鴨腿味道濃郁，鴨皮無油膩嘅感覺，鴨腿絲肉質層次豐富，雖然係午餐嘅價錢但係份量足夠，汁液量適當味道較清淡，加埋洋蔥矮瓜蕃茄仔增添不少味道。和牛溫泉蛋飯牛肉味滿滿，肉質鮮嫩多汁好好食，和牛肉似用澳洲牛肉，醬汁另上可以任意隨便添加，配上溫泉蛋口味更加豐富無比，珍珠米晶瑩剔透粒粒分明，軟糯有口感。鰻魚滑蛋飯鰻魚飯擺砌精緻簡單，上枱已經香氣撲鼻，鰻魚肉味濃濃，燒汁滲入軟腍鰻魚肉口感十足，滑蛋軟滑好味，雞蛋與白飯夢幻相遇回味無窮。Americano咖啡咖啡濃郁味微酸，冇苦澀味道，屬於一杯有誠意嘅咖啡。Chocolate mocha 咖啡味道稍為淡薄，而朱古力CoCo味都未見突出，咖啡香氣味亦稍薄，CoCo香氣算係可以，屬於普通水準餐廳設計簡約，全開放式嘅擺設，中央有一張長長嘅豬肉枱，非常似我讀書嗰陣時開餐嘅大飯堂模樣。

豆腐飯係類似豆腐蓉，碎豆腐咁。唐揚雞入面感覺唔知係脂肪定粉，咬落去大約三分二係肉。最後一碗係豆腐雞胸肉沙拉🥗。豆腐個d就無乜味預左，但個唐揚雞就一般，佢沙田分店既唐揚雞反而唔錯。 最後濃湯都偏淡。

第一次來，店內很多用玻璃樽裝的咖啡豆，包裝及返計不錯，但100g計哥倫比亞Geisha賣二百多，一般都過百，並不便宜。有時間，當然要坐下試下杯espresso得唔得, 叫了一杯double, 個setting不錯的，連埋杯Tonic總數33元，唔計加一，都算不錯。咖啡比較sharp, 應blend了不少果酸為本的豆，烘焙度應不算很深，crema尚可， 始終都係油脂有限，並不太豐富 ，搖下都散曬 ，香氣以少許果仁 ，草本及木香為本， 有少少莓果香氣， 入口比較明亮，果酸比較明顯， 都是一般的橘子酸，飲了少少都放棄繼續， 直接到入Tonic裏, 反而帶出比較多一些瓜香。性價 回頭 味道 環境 交通 衛生 服務 態度

─ ⊹ ⊱ mains ⊰ ⊹ ─ᡣ𐭩 紐西蘭肉眼牛扒 - 3.5 / 5 $198個人認為牛扒肉味唔係好出 同埋有啲韌ᡣ𐭩 澳洲M5+和牛溫泉蛋飯 - 3.5 / 5 $168牛肉份量好足 肉質嫩滑 加埋溫泉蛋一齊食好滿足😍─ ⊹ ⊱ drinks ⊰ ⊹ ─ᡣ𐭩 痴_線朱古力 - 4.5 / 5 $55開頭見佢面頭鋪滿朱古力碎 仲擔心會好甜 點知飲落去朱古力味好濃 唔會死甜/飲到好漏 推介！ ─ ⊹ ⊱ tldr ⊰ ⊹ ─Set dinner $138起有交易 mains冇乜驚喜 不過杯朱古力唔錯👍🏻味道: 3.5 / 5價錢: $ 200 -300 pp服務: 3.5 / 5 環境: 3.5 / 5cp value: 3.5 / 5re-visit: maybe

呢間係朋友介紹，之前都嚟過兩次，不過今次先記得影相，當然要飲佢嘅招牌，黐_線朱古力咖啡，叫咗個炒蛋牛角包俾小朋友，鬆脆牛角包，炒滑蛋雖然好食，都叫廚房煮熟啲俾小朋友，另外牛肉漢堡夠厚肉，配菜新鮮，最特別今日試咗個豆腐飯，感覺真係好低卡，不過佢個set配黑醋汁炸雞，一個清淡，一個濃味，感覺整體係冇少過卡路里，另外欣賞佢生日月份有卷蛋送，只限會員海港城餐廳嚟講性價比高，不過對BB車不友善，要自己抬落梯級

杯髒髒朱古力淡出鳥來，厚蛋牛角包要問佢拎鹽。呢個價錢，真心搵笨。加10蚊嘅沙律反而係喜出望外嘅好食。除左環境之外，性價比實在太低。希望俾少少heart,做好d signature items啦。

隱藏在Marco Polo入面的Sensory ZERO 某日放工跟男友+妹妹一起用餐 cafe位置比較隱蔽 要行到最入 之前有係黃竹坑店飲過髒髒朱古力🍫3人行點了3個主食+1份甜品 份量正常 飯食比例略嫌過多 三黃雞太乾身 無晒肉汁 整體味道有改善空間 人均~$212 ‣ 澳洲M5+和牛溫泉蛋飯 $168‣ 香燒三黃雞 (半隻)黑松露燒薯角 $178‣ 香煎日本蠔 煙肉 白酒忌廉汁 日本米意大利飯 $148‣ 啤酒 +$48‣ 是日濃湯 +$10‣ 自家製蛋糕+$25

職員態度極之惡劣，整晚已經無服務可言，手機落單，加咗一次水。坐多陣有個同事過嚟話叫我埋單，但我仲想加個甜品，點知成間鋪無晒人，原來成班入晒廚房吹水，我企咗成分鐘先有人出嚟。我最後決定唔叫甜品，想埋個單，不過又唔知去邊度埋，過去揾職員，點知佢好串咁話「先生，你坐返埋去先啦！一陣過幫你啦！」。我即刻著咗，成間鋪得嗰五張枱有客，仲要咁嘅態度！等多咗兩分鐘佢過嚟，我真係唔想俾錢佢！難怪香港飲食市道咁差！生意咁差仲要咁差嘅服務，只可以話自己攞嚟！

人氣髒髒朱古力飲品店，隱身於海港城地下連卡佛的正門，環保光猛有格調，使用大理石餐台打卡一流!! 💎- 澳洲M5+和牛溫泉蛋飯 HK$168 🐂🍳🍚溫順和牛扒飯!!使用M5+和牛肉質嫩滑，肉味濃郁，而且牛肉份量頗多，好滿足!!日本蛋溫泉蛋質地厚身黏度十足，超濃郁!!米亦來自日本，飯粒飽滿彈牙。- 痴_線朱古力 HK$55 🍫🥛人氣髒髒朱古力!!視覺誇張，表面鋪滿大量黑朱古力及白朱古力碎片非常吸睛，再撒上滿滿朱古力粉，飲時由嘴唇到手指都充滿朱古力香氣!!牛奶亦都好重奶香，充滿口感層次!!

今次叫左兩份午餐，蟹肉煙肉青蘋果沙律，加錢配炒蛋同埋牛肉意粉；沙律同意粉都不錯，每位價錢大概約$150 都算合理。痴_線朱古力外觀100分！比想象中不太甜，可以一試！另外見到檯面有得獎精品咖啡豆PANAMA & COLOMBIA，店員推薦建議我地各叫一款虹吸，一於試下，印象中一杯大約$150。上檯時會另外有店碎豆俾你聞，個人比較欣賞PANAMA豆，好香帶蜜糖味！而個杯既設計亦係令你可以係飲之前先集中聞到味先。餐廳環境不算太大，不過幾乾淨，裝修比較日系！總括而言下次都會再黎！🏠店名：Sensory ZERO🚘地址：尖沙咀廣東道3號海港城馬哥孛羅香港酒店G樓連卡佛

本人十分不滿，我在openrice 預訂了2024年6月11日6:30 的位，並收到確認，但當晚去到後發現無法進入餐廳，hongkong hotel 的員工告訴我連卡佛 Annual Dinner 所以當晚早收，餐廳也不會開! 那麼為何我的booking 會收到確認？ 要我去到撲個空？以後openrice 訂位還信得過嗎？

BOOK左星期一晚上6點半，當時只有幾枱客，大部分都係飲野吹水休息為主。即使到7點都好冷場，唔知係咪因為咁，先有半價優惠🤔。澳洲M5+和牛溫泉蛋飯 $168我見食評唔少人都食呢個飯，加上自己都想食下牛丼。和牛切得比較厚，不過就細細塊；入口暖暖地，有牛味、有肉汁、肉質亦柔軟😋。溫泉蛋可以加錢轉日本蛋，但我無轉到，不過蛋香偏弱。至於個汁就鹹左少少，如果好似日式偏甜嘅醬汁會更好。香燒三黃雞(半隻)黑松露燒薯角 $178呢個賣相幾靚仔，燒雞髀同胸一早已經切開左，雖然呢個係貼心嘅做法，但亦係缺點之一。燒雞食果陣好夠熱，但食得出已經放左一段時間，1嚟雞皮唔脆，2嚟燒雞已經乾到無哂肉汁，再加上髀胸一早切開，令本應鎖汁嘅髀位全無肉汁，胸位亦柴到不行…😣痴_線朱古力 跟餐加$25我之所以會揀呢間餐廳，係因為友人好中意食朱古力，而餐廳呢杯朱古力好評多多，所以特登嚟試。呢杯可可粉、朱古力碎滿瀉嘅髒髒朱古力打卡一流，味道比想像中好。本身仲擔心會好甜，但飲落原來仲有少少苦，而且朱古力味濃😍。半價可以試。總體食物質素一般，齋飲野會比較好。折後原價加一共$224。

酒店入面嘅小品餐廳，舒適😌價錢唔貴，最緊要食物質素高，痴_線朱古力真係好正🤣好甜，賣相有驚喜😆M5和牛飯一流水準👍🏻👍🏻黑松露意粉淡左少少，岩小朋友食每款食物賣相真係好靚👍🏻👍🏻Waiter and waitress 態度唔錯😊尤其男waiter好好👍🏻👍🏻超friendly 幫我哋安排好坐位同BB椅😊位置又好，一行出去又喺海旁欣賞埋夜景先番去😂會同屋企人encore👍🏻👍🏻

唔怪之得冇客，原來夥計一早就話截單。七點幾見到得一枱客食晚市。我喺門外睇吓個餐牌，喺連卡佛轉個圈返嚟，剛剛好八點正，見到全間鋪，一個客都冇，我只係想飲杯咖啡，可惜兩位夥計哥哥，話唔俾入，已截單。香港餐飲業服務員，真係好做，坐到九點收工。