影片
更多
2021-07-12
838 浏览
唔洗解釋咁多 直接睇圖返到公司打開飯盒果陣 我既心情真係仲黯然過呢個黯然銷魂飯...其實即係叉蛋飯 但我諗每個叫呢個飯既人既要求都會係1. 半肥瘦叉燒2. 較過既甜豉油3. 太陽蛋/荷包蛋 (起碼係流心可以用黎撈飯)但我估唔到呢個飯可以完美回避哂上面講三樣野隻蛋唔洗講啦 兩大隻 係就係大大隻 但請問邊個食叉蛋飯會想食全熟蛋? 呢個頭直頭熟過麥當勞豬柳蛋漢堡 即係12成熟咁濟 食落去既feel就好似一塊圓形既烚蛋咁叉燒望都唔開胃 份量好似好多 但全部又瘦又碎又細舊 感覺就好似一個pizza切4塊太少 所以要切8塊咁每人可以食多d咁而且份量問題抵唔抵都係其次 叉燒切咁碎會影響既係口感 不過配落呢舊有厭食症既瘦叉燒 碎d反而好d另外甜豉油唔洗講啦 佢完全無加d人成日話龍門冰室難食 但我每次去食同樣既叉蛋飯 佢都做到我講果三樣基本要求 相比之下原來真係天外有天 我係科學園唔會再食呢間野
返到公司打開飯盒果陣 我既心情真係仲黯然過呢個黯然銷魂飯...
其實即係叉蛋飯 但我諗每個叫呢個飯既人既要求都會係
1. 半肥瘦叉燒
2. 較過既甜豉油
3. 太陽蛋/荷包蛋 (起碼係流心可以用黎撈飯)
但我估唔到呢個飯可以完美回避哂上面講三樣野
隻蛋唔洗講啦 兩大隻 係就係大大隻 但請問邊個食叉蛋飯會想食全熟蛋? 呢個頭直頭熟過麥當勞豬柳蛋漢堡 即係12成熟咁濟 食落去既feel就好似一塊圓形既烚蛋咁
叉燒望都唔開胃 份量好似好多 但全部又瘦又碎又細舊 感覺就好似一個pizza切4塊太少 所以要切8塊咁每人可以食多d咁
而且份量問題抵唔抵都係其次 叉燒切咁碎會影響既係口感 不過配落呢舊有厭食症既瘦叉燒 碎d反而好d
另外甜豉油唔洗講啦 佢完全無加
d人成日話龍門冰室難食 但我每次去食同樣既叉蛋飯 佢都做到我講果三樣基本要求 相比之下原來真係天外有天 我係科學園唔會再食呢間野
张贴
