川府宴 (已結業)

約左個好鍾意食辣嘅朋友食飯，咁搵下有冇啲清靜啲又有style嘅地方試下。見到間裝修幾靚又就腳嘅川菜。可能因為我地比較早嘅關係，未有好多客。裝修一睇就知係食川菜，都幾別緻。大大粒辣子雞一上菜就聞到超香嘅辣椒味，雞塊比平時食開嘅辣子雞大好多，店員話係用雞脾肉來炒嘅，食落去比平時食開嘅辣子雞有口感得多，呢碟菜食完真係想再返轉頭再嗌干鍋花菜望落去以為同平時食開嘅雜菜煲差唔多，但係佢落咗煙肉去炒，煙肉嘅鹹香味令到煲入面嘅菜都顯得好惹味，令到成煲菜都唔覺得淡。啲菜亦都非常之有口感，完全唔會稔，咬落去仲係爽嘅！明爐紙包烤魚呢味菜就犀利啦！上菜嘅時候完全包到實一實，條魚雖然得半條，但係望落去都超巨型，令到我哋兩個擔心會唔會食唔晒。條魚要咁樣包住加熱一陣，等入邊熱晒之後，店員就會幫你拆開個包裝。一打開包裝，一陣香味撲鼻。見到巨型嘅魚身上面鋪滿了大量大蔥，側邊仲有豆腐同埋辣椒。令到我哋垂涎欲滴，呢味菜採用咗肉質嫩滑鯇魚，非常之好食。加上一開始包實焗左陣，令到啲肉都好入味。洋蔥花一上菜嘅時候熱辣辣，非常惹味。但係建議如果真係要嗌呢一味菜，就要多啲人先好嗌，因為一定要趁熱食先得，由於我哋兩個叫得太多野嘅關係，