影片
更多
2021-06-22
1720 浏览
🛋卡肥甩底，咁仲好，阿豬媽同熊妹就可以去揀食輕盈啲既晚餐。📌想出去旺角走走，所以就去咗朗豪坊《Passion》食沙律同西餐啦。📌位於朗豪坊4樓，電梯旁嘅《Passion》，餐廳係開放式，每次搭電梯落嚟都會望到啲食客同餐廳嘅環境，仲有沙律、糕點擺晒出嚟，琳琅滿目，好吸引！📌餐廳環境都幾大，樓底夠高，地方夠開陽✨，坐得幾舒服。係自助式嘅餐廳，有位就自己入座，可以自助攞水同餐具，自己去counter叫餐同取餐，所以免收+1服務費，幾🈴理。📌大路西餐廳擁有嘅各款西餐都有提供，由頭盤嘅沙律、餐湯， 以至主菜嘅意粉、薄餅，到甜品嘅蛋糕都有齊，想食乜都有。大沙律，$68熊妹同阿豬媽一心就係黎食沙律，梗係叫大份啦。大沙律可以揀四款沙律，熊妹就揀咗阿豬媽最愛嘅小米，紅菜頭，雞肉貝殼粉，仲有熊妹自己最愛嘅吞拿魚藜麥。粒粒小米食落口好得意，紅菜頭切到好大嚿， 口感好新鮮，雞肉貝殼粉好creamy，好飽肚，吞拿魚係熊妹最愛的罐頭吞拿魚碎，撈埋藜麥一齊食，原來都幾夾，好fresh。能量全日早餐，$128📌好似冇咩人發現到呢個穩世嘅Menu，係大件夾抵食。熊妹取餐嘅時候仲俾人問呢款係邊款食物，帶旺左佢添，哈哈！全
📌想出去旺角走走，所以就去咗朗豪坊《Passion》食沙律同西餐啦。
📌位於朗豪坊4樓，電梯旁嘅《Passion》，餐廳係開放式，每次搭電梯落嚟都會望到啲食客同餐廳嘅環境，仲有沙律、糕點擺晒出嚟，琳琅滿目，好吸引！
📌餐廳環境都幾大，樓底夠高，地方夠開陽✨，坐得幾舒服。係自助式嘅餐廳，有位就自己入座，可以自助攞水同餐具，自己去counter叫餐同取餐，所以免收+1服務費，幾🈴理。
📌大路西餐廳擁有嘅各款西餐都有提供，由頭盤嘅沙律、餐湯， 以至主菜嘅意粉、薄餅，到甜品嘅蛋糕都有齊，想食乜都有。
大沙律
$68
49 浏览
0 赞好
0 留言
熊妹同阿豬媽一心就係黎食沙律，梗係叫大份啦。大沙律可以揀四款沙律，熊妹就揀咗阿豬媽最愛嘅小米，紅菜頭，雞肉貝殼粉，仲有熊妹自己最愛嘅吞拿魚藜麥。
粒粒小米食落口好得意，紅菜頭切到好大嚿， 口感好新鮮，雞肉貝殼粉好creamy，好飽肚，吞拿魚係熊妹最愛的罐頭吞拿魚碎，撈埋藜麥一齊食，原來都幾夾，好fresh。
能量全日早餐
$128
76 浏览
0 赞好
0 留言
📌好似冇咩人發現到呢個穩世嘅Menu，係大件夾抵食。熊妹取餐嘅時候仲俾人問呢款係邊款食物，帶旺左佢添，哈哈！
全日早餐有兩件酸種麵包，上面塗滿牛油果蓉，再擺放左一個水波蛋，仲有兩大塊好厚嘅煙三文魚，三大塊煙燻火腿片同埋伴碟沙律，乜都有就形成全日早餐啦。
蛋同牛油果蓉真係好夾，再加埋啲煙煙韌韌嘅酸種麵包，超級滋味又健康。啲三文魚好厚一塊，食落去唔霉無渣，食得出係靚貨喎！
煙燻火腿片鹹鹹地，配水波蛋食都唔錯。
伴碟沙律菜🥗都唔少，撈上啲黑醋汁好開胃。
是日餐湯
$23
18 浏览
0 赞好
0 留言
📌阿豬媽鍾意飲熱辣辣嘅湯湯水水，寧願揀餐湯都唔要餐飲。
是日餐湯係綠豆蓉忌廉湯，簡直係啱晒阿豬媽口味，湯質非常濃稠，完全充滿綠豆渣溶，味道唔會好鹹，好濃烈嘅綠豆青澀味，阿豬媽每飲一啖都讚口不絕。
Flat white
$39
21 浏览
0 赞好
0 留言
📌熊妹就梗係飲最愛嘅Flat white啦。
典型嘅心型3D拉花💗好出，即係奶泡層好夠，好香濃嘅奶味又慢慢滲出淡淡嘅咖啡味，奶同咖啡嘅比例做得相當好，非常成功嘅一杯Flat white。
📌賣單大概$280，兩個主食一個湯一個嘢飲，食物質素又唔差，味道又唔錯，熊妹同阿豬媽就咁渡過咗一個簡單嘅晚上。
张贴
