甜牙牙煮意

营业中

休息中

同事傾開計嘅時間介紹佢自己食咗一間由前菜去到甜品，每一道菜式都好好味，講到咁神我就話要搵日試吓，點知同事仲講咗提前24小時訂座&夜晚9點鐘前埋單就可以有85折，不過折扣只限正餐產品，就唔包括甜品、飲品及特價套餐，佢食嘅時候係同朋友慶祝生日，佢帶埋蛋糕&紅酒去食，仲免開瓶費，切餅費，而家香港嘅餐廳有咁多優惠真係越嚟越少！為咗支持小店就叫同事幫我Whatsapp訂位。到達餐廳層職員安頓好坐位後，打開餐牌真係樣樣嘢都好想試，但永遠都係眼闊肚窄嘅我，就點咗兩個主菜&一個小食，主菜可以加$40變套餐，套餐可以選擇跟餐湯或者沙律，另外有一杯飲品+一個甜品。小食：蒜油炒小魷魚魷魚非常新鮮，爽口，蒜油好香蒜味，兩者配合後食到唔停口主食選擇咗兩款：鳳梨烤豬骨排白酒花蛤扁意粉白酒花蛤意粉可以自由選擇意粉種類，今次就選擇咗扁意粉，扁意粉吸收咗白酒香味，而花蛤夠新鮮，味道鮮甜。鳳梨烤豬骨排用咗鳳梨醃製，令到肉質鬆軟入味！最後食埋飯後甜品，甜品選擇咗芒果奶酪&牛奶布甸，兩款甜品都好好味唔會過甜。