六両三 (已結業)

啱今日要出嚟尖沙咀，由於唔係好識路，就睇下有咩好食，搵到呢間六両三。門面好有特色，好復古嘅風格。一碗台式牛肉麵要70+都幾貴下。我就叫咗兩個麵食(牛筋麵+蔥油麵)，加一個滷肉+青菜。話曬都70蚊一個麵，期待值都幾高下。送到上嚟僅僅合格的水平，個湯底，香料味太濃，沒有了牛肉湯應有的牛肉香味。麵的質地還好。牛筋量足，但感覺太軟沒有了質感。送來蔥油面，個麵好香蔥油味，個蔥油爆的好香濃，大部分麵亦都沾上濃香蔥油味。最驚喜的是燙青菜+滷肉，青菜份量十足，但滷肉碎只有幾粒，或者應該叫滷肉塵，嗰幾粒滷肉塵起到畫龍點睛的作用，令我反思自己平日是多麼的幸福快樂，每日都有咁多肉可以食，呢個26蚊嘅"燙青菜+滷肉"嗰幾粒滷肉佔其中的99.999999999999999999%，如果想一嘗該店珍貴的滷肉呢樣菜必點。總括嚟講，一碟少少嘅青菜能帶出無盡的心意及反思，絕對是值回票價及值得一讚的。但我怕推薦得太用力會令我以後想思考人生時需要大排長龍所以只能給OK了，請原諒我的自私。