I's Land Cafe (已結業)

觀塘工廈cafe林立，男朋友睇到呢一間有好多正評就推薦黎試下。星期日既中午，餐廳都坐滿大半既人，好彩無book都唔使等位。第一眼見到環境好寬敞，周圍都掛住啲花草攀藤植物，充滿田園風！門口既門牌好多玫瑰，相信係幾吸引到少女。星期日係holiday menu，我地叫左一個salad platter(三文魚配雞胸肉再加牛油果醬)同美國西冷配薯菜。兩個餐都包左特定既餐湯同餐包。餐湯我地相信佢係一個甘荀湯，因為無乜味又好稀既原故，真係唔知係咪甘荀。餐包ok，配左個酸菜醬，唔係咁岩我地口味。食物既速度好快，甚至令我地懷疑係咪已經一早做好晒。Salad platter說實話好一般。雞胸肉食得出係預製，無煎過而且唔夠嫩。對牛油果醬非常失望，比較似用黎點nacho既醬，配落沙律會太過鹹。美國西冷只可以話賣相比實物更吸引。肉質比較靱，無乜牛味。薯菜有炸薯角、翠肉瓜、茄子就一般般。整體而言，食物既外表同味道有一般距離。可能比較適合一般上班族，因為上菜速度好快。又或者適合一班朋友食少少野，吹水聊天。