嚐品慕茶 (已結業)

放咗工同老公去九龍灣附近補車呔呔氣，補完都差不多八點，估唔到係偉業街果到有間餐廳裝飾方面好似田園feel咁，餐廳地方好寬敞，坐得好舒服，店員介紹咗好多餐廳既主打菜式，聽到真係想全部試晒，我地叫咗兩個餐，美式牛肉雙層漢堡配薯條同茶助抺茶燒帶子鮮蝦蟹籽意大利麵飲飲伯爵茶朱古力同抺茶紅豆奶。漢堡既牛肉好多肉汁，配菜非常新鮮，食晒成個餐剛好夠飽又唔濟，正呀！老公食抺茶意大利麵啲帶子好大隻好新鮮，麵既煙靭度剛好，唔會太淋太硬，抹茶味比我既感覺好新鮮。飲品不會太甜，兩個人好快就將全部食物KO晒，已經好飽好飽。想埋單之制，我忽然見到餐牌上有茶味既雪糕，忍唔住叫咗一杯同老公兩粉，茶味香濃既雪糕最後叫多一杯一路行一路食，非常正👍🏻👍🏻