影片
更多
2019-02-12
123 浏览
新春假期，油膩熱氣嘢食得太多了，朋友更加要找中醫睇睇症，調理一下。我找佢嘅時候，佢正正就係睇完中醫，中醫叫佢戒口，食嘢要食清啖啲，酸辣刺激肥膩盡量咪掂。但係，飯始終係要食，見佢咁嘅情況，就約佢去K11食田園健康嘢。一上到嚟，佢都打個突，估唔到K11二樓有間田園式餐廳，論環境當然是無得彈，又乾淨，又寬敞，佈置充滿田園農莊feel，喺度食嘢飲嘢零舍舒適自在。怪不得，咁晏都仲有咁多人啦。今晚我發板，朋友就唔客氣食住啲健康麵包和餅乾條先。中醫叫佢唔好飲凍嘢，我就幫佢叫咗杯熱的【奇亞籽檸檬蜂蜜】，而我就叫了一杯【Greenery】。【奇亞籽檸檬蜂蜜】飲落甜甜地好潤好舒服，而奇亞籽的口感好特別。【Greenery】係由青瓜、雪梨和蘋果鮮榨而成的，呢個組合唔使多講都知係非常健康啦充滿維生素。今晚係由淡味食到濃味。首先係【雲耳新鮮無花果牛油果沙律】。隻碟底其實係好深，所以，載咗好多雲耳，份量非常多。具我所知，雲耳具有降血脂功效，故此，呢個沙律一定啱朋友食喇。其實，呢個沙律真係好健康，味道淡淡地，雲耳爽爽地，無咩油，唔似得平時食開嗰啲西式沙律咁，太多沙律醬或橄欖油了。【香煎日本頂級帶子青瓜莎莎】呢個Ta
一上到嚟，佢都打個突，估唔到K11二樓有間田園式餐廳，論環境當然是無得彈，又乾淨，又寬敞，佈置充滿田園農莊feel，喺度食嘢飲嘢零舍舒適自在。怪不得，咁晏都仲有咁多人啦。
今晚我發板，朋友就唔客氣食住啲健康麵包和餅乾條先。
中醫叫佢唔好飲凍嘢，我就幫佢叫咗杯熱的【奇亞籽檸檬蜂蜜】，而我就叫了一杯【Greenery】。【奇亞籽檸檬蜂蜜】飲落甜甜地好潤好舒服，而奇亞籽的口感好特別。【Greenery】係由青瓜、雪梨和蘋果鮮榨而成的，呢個組合唔使多講都知係非常健康啦充滿維生素。
今晚係由淡味食到濃味。首先係【雲耳新鮮無花果牛油果沙律】。隻碟底其實係好深，所以，載咗好多雲耳，份量非常多。具我所知，雲耳具有降血脂功效，故此，呢個沙律一定啱朋友食喇。其實，呢個沙律真係好健康，味道淡淡地，雲耳爽爽地，無咩油，唔似得平時食開嗰啲西式沙律咁，太多沙律醬或橄欖油了。
【香煎日本頂級帶子青瓜莎莎】
呢個Tappas用料上乘，選用日本頂級帶子，廚師處理啲帶子恰到好處，調味剛好，煎得香得來，唔會令到帶子變老。食落好有彈性。【鮮鮑魚露筍意大利飯】
最後係食一個味道比較濃的意大利飯。佢係餐廳的招牌菜式，朋友一坐低，見到個餐牌就話想食。賣相一流，兩隻起了肉的鮮鮑魚插喺個意大利飯上面，宣示主權，唔使多講，都知佢係主角啦。
意大利飯質地有咬口，可以咀嚼多一兩啖才吞，呢種食法其實係有好處的，因為個汁好濃好香，慢慢咀嚼就可以更加感受到意大利飯的味道。
张贴
