心之食堂 (裝修中)

上網見到心之食堂既野食擺得好搞笑，又用檯又用櫈咁放食物，好似啲食物上緊堂讀緊書咁😹引起左我嘅好奇心，之前為左影靚相已經中左伏幾次，呢間會唔會又係得意但係好難食呢？去到店面比我想像中細好多，有好有唔好啦！我就覺得店鋪好聰明，用左全落地玻璃增加空間感，望到好舒服既商廈景，仲利用窗框放左啲假植物原來下面隱藏左叉電線⚡😻出左街成日電話急需叉電，太好了。嗰日我坐角落頭位，仲有啲幾有趣嘅書同遊戲card game 。等緊嘢食嗰陣攞咗本講啤酒嘅書嚟睇先知原來啤酒有甜酸苦辣味，呢啲細節都令我對呢間野加左印象分先。一開始上個胡椒豬骨湯煮蜆暖下胃仲辣辣地好開胃，仲有好濃嘅豬骨味。去到日式店鋪除左日式煎餃子仲一定要試下啲燒物，燒雞軟骨、雞腎就走唔甩😋燒秋葵個份量多到我哋食唔曬，好多骨膠原的說。來多個蟹籽軍艦同海膽蟹籽杯，價錢OK但係啲刺身好鮮味，性價比都幾高已經飽飽地但無礙我再加多個帆立貝同鹽燒大啡菇😍😍，因為我見到隔離枱都叫左，太吸引啦，果然不負所望勁juicy。最後飲杯烏龍茶，係一個同朋友吹水放鬆嘅好地方。