傳承清湯腩專家

营业中

休息中

第一次寫食評，今次真心嬲到要出post！呢間野質素極參差。第一次食成舊水既騸牯肥牛河，係好食既。第二次再叫，騸牯肥牛變到又瘦又韌，反而老公叫個碗爽腩伊麵有水準，肥瘦適中帶啲爽口筋膜，湯底清甜，幾唔錯。今次決定all in，滿心期待叫個淨爽腩，點知個女侍應一上菜就將啲滾湯倒落我大髀！!痛到我慘叫！即刻入廁所沖水洗傷口，出到黎望住碗168蚊既所謂淨爽腩，有5成係肥膏、3成係筋膜、2成係又瘦又無牛味既肉，湯就筆到滿瀉(所以倒瀉哂囉)，總之視覺上就係一碗肥膏湯....畀成百七蚊，換黎一碗垃圾；交出信任，換黎既係背叛同肉體上既傷害，仲整污糟埋我條新牛仔褲.....呢間野我永不回頭。