影片
更多
2009-01-19
12 浏览
17-1-2009同好耐無見的大家食飯, 一行多人 10:00pm 0黎到, 不過仍然多人到打仗一樣, 訂了檯仍然要等位, 搞到成 10:45pm 先有得食:- 古法羊腩煲:「明爐」的, 不過個爐認真唔掂, 滾了半個鐘仍然無喱反應, 真係 -_-" 羊腩夠羶香, 肉腍, 帶點肥, 不錯; 枝竹就較硬; 生菜就唔夠搶, 無食.- 西蘭花炒桂花蚌: 桂花蚌幾嫩, 食落爽爽的又滑溜, 不過呢碟太唔夠熱了, 油溼溼溫溫吞吞, 麻麻.- 西芹炒班球: 一斑兩味之一, 條魚夠新鮮, 肉幾爽口; 西芹幾老0下, 食落硬硬的, 不過呢碟又係唔夠熱的問題, 油膩感大增, 印象麻麻.- 炆班腩: 一斑兩味之二, 呢個好食 d -- 班腩好入味, 幾濃蒜香, 芡汁唔會太杰, 幾好食.- 荔茸香酥帶子 (見圖): 用芋蓉包住帶子再蘸粉炸, 賣相如芋角, 炸得熱辣辣, 脆口, 唔油, 芋味香濃, 正! 亦因為芋香太突出, 帶子就反而淪為配角, 食落無乜味道, 可惜.- 蒜香雞: 據聞係招牌之一, 食了件雞翼, 雞皮算乾爽, 食落都脆口, 但蒜味呢? 肉質就幾乾又好0鞋. 唔知係佢失手定係點,
同好耐無見的大家食飯, 一行多人 10:00pm 0黎到, 不過仍然多人到打仗一樣, 訂了檯仍然要等位, 搞到成 10:45pm 先有得食:
- 古法羊腩煲:「明爐」的, 不過個爐認真唔掂, 滾了半個鐘仍然無喱反應, 真係 -_-" 羊腩夠羶香, 肉腍, 帶點肥, 不錯; 枝竹就較硬; 生菜就唔夠搶, 無食.
- 西蘭花炒桂花蚌: 桂花蚌幾嫩, 食落爽爽的又滑溜, 不過呢碟太唔夠熱了, 油溼溼溫溫吞吞, 麻麻.
- 西芹炒班球: 一斑兩味之一, 條魚夠新鮮, 肉幾爽口; 西芹幾老0下, 食落硬硬的, 不過呢碟又係唔夠熱的問題, 油膩感大增, 印象麻麻.
- 炆班腩: 一斑兩味之二, 呢個好食 d -- 班腩好入味, 幾濃蒜香, 芡汁唔會太杰, 幾好食.
- 荔茸香酥帶子 (見圖): 用芋蓉包住帶子再蘸粉炸, 賣相如芋角, 炸得熱辣辣, 脆口, 唔油, 芋味香濃, 正! 亦因為芋香太突出, 帶子就反而淪為配角, 食落無乜味道, 可惜.
- 蒜香雞: 據聞係招牌之一, 食了件雞翼, 雞皮算乾爽, 食落都脆口, 但蒜味呢? 肉質就幾乾又好0鞋. 唔知係佢失手定係點, 但呢隻雞咁0既質素, 叫「拆招牌」食物比較貼切喎!
- 乾燒伊麵: 配料有草菇, 無韭黃的? 食落夠晒味, 夠晒熱, 亦算乾身, 呢個不錯.
環境係典型街坊格局, 地 mou 麻甩又迫夾, 地下唔濕不過十分之跣, 大家都話「嘩, 佢用油0黎打蠟0架?」 雖然地 mou 店 + 咁鬼多人, 都唔 expect 好好招呼, 但阿叔們實在太惡又太寸了, 感覺麻麻.
每人 $100 埋單, 唔貴, 不過食物一般, 無興趣再幫襯了. 唔上0黎 Openrice search 都唔知原來佢幾多分店, 唔知最多笑面的筲箕灣店會唔會好 d?
张贴
