影片
更多
2019-08-12
1242 浏览
今晚肥妹仔去咗上環永樂街一間私房菜到食火鍋。肥妹仔好少食私房菜，而喺私房菜度打邊爐仲係第一次，所以抱住非常大嘅期望去食呢一餐飯。椰子雞煲 $288我哋叫咗個椰子雞煲做湯底。店員會喺我哋面前即場開一個椰子，將椰子水倒落個煲度，然後叫我等滾咗先食呢一個雞煲 。佢呢一個椰子雞煲湯底超級清甜，你可以食得出完全冇落任何嘅味精，就係飲椰子水嗰種清香同埋雞肉本身嗰種鮮甜，肥妹仔同肥爸，肥媽，肥家每人飲咗兩碗。另外佢嘅醬料有好多種，有xo醬，花生醬，沙茶醬，香蒜，西芹等等，即係每一種醬料你諗得出去都會有提供。青檸梳打 $78呢一間私房私房菜主打新鮮，即整即做!即場畀埋個青檸揸汁落去，好清新好解膩。一全份安格斯肥牛 $288除咗肥媽之外，我哋成家肥肥一族都係牛魔王，所以又點會唔叫牛肉嚟試下呢？佢呢一度嘅肥牛雪花紋好靚， 好濃牛味，咬落去啖啖肉，輕輕焯幾秒鐘已經食得，超級新鮮。羊肉片 $188肥妹仔近排對羊嘅接受程度高咗好多。呢一度嘅羊肉片好好食，因為佢嘅羊騷味唔濃， 而且肉質都幾嫩滑。魚腩 $108 鱔片$148肥爸肥媽鍾意食海鮮，所以叫咗兩份魚畀佢哋試下。呢一度嘅魚好新鮮，魚腩同鮮片都係屬於好爽口
椰子雞煲 $288
我哋叫咗個椰子雞煲做湯底。店員會喺我哋面前即場開一個椰子，將椰子水倒落個煲度，然後叫我等滾咗先食呢一個雞煲 。佢呢一個椰子雞煲湯底超級清甜，你可以食得出完全冇落任何嘅味精，就係飲椰子水嗰種清香同埋雞肉本身嗰種鮮甜，肥妹仔同肥爸，肥媽，肥家每人飲咗兩碗。
另外佢嘅醬料有好多種，有xo醬，花生醬，沙茶醬，香蒜，西芹等等，即係每一種醬料你諗得出去都會有提供。
青檸梳打 $78
呢一間私房私房菜主打新鮮，即整即做!即場畀埋個青檸揸汁落去，好清新好解膩。
一全份安格斯肥牛 $288
除咗肥媽之外，我哋成家肥肥一族都係牛魔王，所以又點會唔叫牛肉嚟試下呢？佢呢一度嘅肥牛雪花紋好靚， 好濃牛味，咬落去啖啖肉，輕輕焯幾秒鐘已經食得，超級新鮮。
羊肉片 $188
肥妹仔近排對羊嘅接受程度高咗好多。呢一度嘅羊肉片好好食，因為佢嘅羊騷味唔濃， 而且肉質都幾嫩滑。
魚腩 $108 鱔片$148
肥爸肥媽鍾意食海鮮，所以叫咗兩份魚畀佢哋試下。呢一度嘅魚好新鮮，魚腩同鮮片都係屬於好爽口嗰一種 ，就咁灼熟然後點個醬汁已經夠。
日本白金腩肉 $138
肥妹仔未食過咩叫白金腩肉，第一次試。佢嘅白金腩肉超級厚身，係激厚版嘅譚仔腩肉!但係佢嘅豬肉肉質非常之嫩滑，雖然佢有肥膏，但係一啲都唔油膩，咬落去同個豬肉係好夾，好好食。
墨魚滑 $108
呢個墨魚滑相當不錯，因為係手打，所以食落去非常彈牙，而且個墨魚味好濃，好新鮮。
金菇菜 $68
油麥菜 $68
出前一丁$28
张贴
