Lil'Saigon (已結業)

今日約舊同事食飯 佢喺中環中心嗰頭返工 話想試吓呢一間新嘅越南野 喺中環食嘢出名貴 呢一間餐廳睇落價錢都幾合理 試吓先～我哋都有啲肚餓所以叫多幾樣野share食主菜叫咗招牌嘅越南火車頭檬粉 加海南雞飯另外叫咗個生菜同埋香茅雞翼 好快食物就上枱啦～火車頭檬粉都幾豐富 有牛丸牛筋牛腩生牛肉～份量適中 食得出佢哋用料係新鮮嘅 鮮甜同埋口感唔錯 亦都唔會煮得過熟 幾欣賞佢哋個湯底 聽講係用牛骨烹煮十個鐘而成的～飲得出鮮甜冇味精海南雞飯好滑 油飯香口唔會太過油膩 小食方面香茅雞翼都幾香脆好食 菜都好新鮮 夠翠綠飲品方面我哋叫咗越南滴漏咖啡 食飽飯嘆埋杯咖啡就啱啱好 滿足的一餐