Lil'Saigon (已結業)

香港真係唔值得擁有有❤做食物，取價相宜嘅食店嘛？近日👩‍🦳常常光顧嘅食肆一間一間咁離場，上星期連係中環午飯時間經常光顧嘅呢間食肆都話唔做喇! 所以特意係度寫返篇文章多謝店主一路以黎咁用❤製作食物，除咗用新鮮牛骨熬煮上湯嘅各式湯河湯檬、凍檬，重有新鮮🐷🐮🐔材料做嘅咖哩、配上香濃咖啡、特式飲品都係八九拾元之內，在中環區算是一個很好嘅價錢，好可惜在競爭激烈，物價騰飛嘅香港，老闆娘又唔想用D劣質食材將貨就價降價促銷，最終只好止血離場，真是可惜。以後都見唔到一位每日皆穿著亮白恤衫西褲，賓賓有禮嘅年輕人落單，老闆娘及另一位女仕不慌不忙兼任送餐拾抬，在飯市最忙時唔飛碟唔大聲叫嚷，令食客在安靜環境下食一個晏嘅地方😔多謝哂🙏下星期要去邊處揾食呢？🙄唉....

之前幫襯過中環中心入面嘅 Coffee Shop，印象中嗰度嘅食肆唔多，都係以外賣為主。最近得知 1 樓新開咗間越南餐廳，據說係由主打正宗越南菜嘅李錦基主理。店舖設計開揚，一室啡木色檯櫈，配以開放式門面，裝潢簡約，採光充足，加上座位又唔會太逼，感覺舒服。先嚟一碗火車頭湯河粉 ($88)：湯頭熱呼呼，入口清澈純香，據說係用上新鮮牛骨熬足 10 粒鐘而成。河粉滑溜煙韌，再加入青檸汁、九層塔和辣椒拌勻，粉連湯一起品嚐，每一啖都沾滿濃濃嘅牛湯精華。配料有生牛肉、熟牛腩、牛柏葉、牛筋同牛丸。牛肉粉嫩，上桌時剛好七成熟，水準甚佳。牛腩軟熟，牛柏葉夠爽，牛筋鬆化黏口，而牛丸亦彈牙富嚼勁。咖喱牛腩飯 ($68)：加咗 $18將米飯轉做法包。牛腩極之鬆化，入味又腍身，肉質軟爛不柴。咖喱濃香惹味，辣度亦啱啱好，以香脆嘅法包蘸咖喱汁吃，令人回味無窮。炸香茅雞翼 ($36)  雞翼炸得好香口，皮脆肉嫩，咬下更透出淡淡香茅清香。另外配咗兩杯越式特飲：椰汁冰 (+$12) 同 咸檸檬梳打 (+$12)，椰汁冰嘅味道好清爽，入口椰香撲鼻，而咸檸梳打亦冰涼醒胃，內有粒粒新鮮青檸，用嚟消暑解渴一流。。

中環一間新開的餐廳…..潮流中的越南菜有同事食過話唔錯，夠鐘開飯又去試吓食新嘢😉—————————生🐮肉熟牛腩湯河粉🐮🐂：軟熟嫰滑又鮮又甜的牛肉，入口肉汁豐富的，牛腩炆得夠腍夠嫩夠口感，湯郁且夠清甜，而且更是每天用牛骨熬製10小時🙏———————海南雞飯🐔🍛：雞肉嫩滑，薑蔥唔會咸又不會油，加在飯上吃更是滋味，雞肉嫩滑飯清香😋——————-蒜蓉焗青口🦪：🧄蒜蓉的香氣十足，牛油🧈更美味，青口肉質彈牙👍——————-清湯時菜🥬：新鮮蔬菜又嫩口———————椰汁冰🥥：濃郁椰子🥥、香滑天然味道⋯⋯————————越式滴漏咖啡☕️：愛喝咖啡☕️的我又怎能抗拒這個越式滴漏咖啡☕️⋯⋯😋———————-中環新開越南菜..潮流中的特色😋其實開心🥳簡…單就在你身邊..·食….拍…寫.. 已經成為我生活中的一部份鍾意食..鍾意拍…鍾意寫..留下美食回憶—————————-

lil saigon越南野一直都有捧場客喺中環西餐或者一啲港式茶餐廳就食得多但一係就比較貴又或者係比較上普通冇咩特別今日叫呢一間 lil saigon喺中環同上環嘅中環中心方便晒兩區嘅打工仔喺一樓望住出邊嘅大玻璃心曠神怡講返嘢食今日叫咗佢哋嘅招牌火車頭湯河有牛丸 牛腩牛筋牛柏葉同生牛肉片聽到咁多樣餸真係覺得好豐富如果延唔夠豐富可以再額外加配菜手撕雞或牛丸等跟餐加嘢飲都只係加$12就有杯凍咖啡凍檸茶/limesode凍咖啡仲係裝喺外賣杯飲唔晒可以拎返Office咖啡唔差 幾香滑河粉跟埋辣椒同埋青檸夠晒地道河粉嗰個湯都幾好味食完都唔覺得鹹/多味精講返啲餸牛丸切開咗兩半但係都彈牙牛肉片味道都幾濃而且送上嚟嘅時候仲係pink pink 地牛柏葉洗得好乾淨爽口牛腩都幾淋同時又濃味係咁多樣最鍾意嘅牛筋夠晒骨膠原養顏最後仲嗌多咗一碟豬扒豬扒薄薄咁切左好多片加咗香茅香口雖然係係薄片但係都唔韌唔乾真係犀利好食以後嚟中環食飯就有多一個選擇喇

Lil’Saigon煎香茅豬扒撈檬檬粉好爽 酸甜醒胃😋有生菜同青瓜係底到，食落好fresh 同好開胃👍🏼 生菜新鮮🥬，好爽口，豬扒好彈牙，厚薄適中！不過魚露既份量可以再多一點～香茅豬扒湯河粉河粉既份量好多 食極都未食完😆豬扒會另上，唔會浸落湯到浸到林晒👍🏼個湯唔算好濃味，需要加少少魚露😀加左魚露生色不少凍飲只需加$8，特色飲品加$12分別嗌左凍咖啡同三色冰🥛消暑一流👍🏼整體黎講，係中環區價錢合理！環境舒適👍🏼食物份量夠多！Lil'Saigon (中環)中環皇后大道中99號中環中心1樓5A號舖

越南菜小店在中環中心內，又係中上環上班族一個食lunch 好地方。小店採用自助式落單，掃一掃QR code 就可以。今次同朋友試咗火車頭河粉，烤牛肉河粉，香茅雞翼，蘿蔔牛丸湯。火車頭湯河粉 $88 (4/5🌟)揀呢個配搭嘅原因係一次過可以滿足晒所有想試嘅嘢，入面有生牛肉、熟牛腩、牛筋、牛丸、牛柏葉，牛魔王真係要揀呢個。生牛肉放喺湯一陣就食得，很有牛肉味，熟牛腩亦煮很夠淋，比較鍾意嘅係牛丸，牛丸食落去似係新鮮製作，非常彈牙，入面仲有肉汁；湯底亦有牛骨香，河粉非常滑，亦唔會太易斷。燒香茅牛肉湯河粉 (4/5🌟)$68炙燒牛肉非常香口，牛肉味香濃，唔會烤得太乾身，一個唔錯嘅選擇。香茅雞翼 (3.5/5🌟)$36應該係即叫即炸，落單之後都等咗一段時間。雞翼炸得有少少乾身，雞皮非常脆。湯蘿蔔牛丸（4/5🌟）$45湯底係用返牛骨湯，蘿蔔炆得好淋，易吸收晒牛骨湯味。如果食湯河粉冇叫牛丸嘅朋友，建議另外叫牛丸湯/牛丸蘿蔔湯。

中環返工真係無咩平價野食，成日食個lunch都要成舊水，今日有同事帶左我黎中環中心食越南野，估唔到又幾抵食同大碟👍🏼唔錯唔錯。.地點就係中環中心1樓，位置方便，但係lunch time都係要等位😭餐廳食越南野，用QR code落單，叫完野食都黎得幾快。.🍴咖哩牛腩飯$68 （轉法包另加 $18）越南咖哩幾特別，比較香魚露味，辛辣味唔重兼具鹹鮮味道，肉質口感腍滑加上入口鬆化而滲有淡淡咖喱香味。強烈建議要加法包，因為法包真心👍🏼脆卜卜又吸晒個汁既味。.🍴烤香茅豬排湯濛粉 $68獨特香茅香氣既烤豬排🥩，湯底係好濃既牛骨湯底，清得黎亦好濃味，個人喜歡濛粉多啲，比較有口感。.🍴海南雞飯 $78同事叫的海南雞飯，相比以上湯粉同咖哩，確實有點失息，用上白飯而不是油飯，後來問問店員，先知道越式海南雞係白飯底的，同泰國既唔同，但雞肉仍然可一讚，滑得黎夠嫩。.🍴 炸香茅雞翼4隻 $36炸物果然係呢度既黃牌，炸得乾身但唔會鞋口，咬落有汁。.跟餐加購特飲，例如：咸檸檬七喜同青檸梳打都係加$12，重點係成餐都無加一收費👍🏼😅係中環黎講真係少見。

天氣開始熱熱地又無咩胃口最啱就係食湯麵類又清爽既食品,講到夏天我最鍾意食既食品一定係越南菜！味道唔會過濃得黎又清新.火車頭湯河粉火車頭裏既配料足料,有生牛肉,熟牛腩,牛柏葉,牛根及牛丸,全牛部份啱晒咁多位牛魔王！河粉香滑夾走又唔易斷,入口帶點煙韌感又吸湯.火車頭湯底充滿牛骨香,湯底清澈唔會過油膩.配料中我最鍾意既係牛丸,牛丸好彈牙！咬入又多汁.燒香茅牛肉湯檬粉香茅牛肉帶一陣炙燒牛香,浸落湯底內令本身牛骨湯更香.配上檬粉比河粉更彈牙,口感同樣滑溜.炸香茅雞翼炸雞翼香脆又唔會過油膩,咬開雞習仍帶隻肉汁,外內同樣醃得夠味.椰青清爽涼快既感覺相當清新又帶有椰子香,好適合解渴又解膩.椰汁冰雪白既椰汁香濃又香甜,入口冰涼降溫.

係中環放lunch, 同事話李錦基新開既越南餐廳就開左係中環中心!裝潢都切合番中環商廈形象, 光猛亮麗樓底高，感覺舒適。價錢係中環黎講算中低價，火車頭都只係88蚊，只睇價錢，已經可列入lunch之選。火車頭湯河 $88火車頭應有既九層塔，青檸同埋辣椒都齊備，目測湯頭清澈唔油膩，試啖湯先，wow雖然湯既顏色淡，但入口係香甜既牛骨味，而且好順喉，相信個湯底都落足功夫去熬煮! 味道好好👍🏻餸共5種，生牛肉軟熟，牛腩夠腍唔會爛，牛根口感係我最中意既，腍得黎帶彈牙個種! 食落覺得依度既食材全部有心機煮，連牛栢葉入口都爽口d, 每樣野都有加分位。燒香茅牛肉飯 $68朋友叫既牛肉飯，佢既牛肉係燒得好香! 肉質軟嫩有厚度有口感，唔係cheapcheap牛肉，無需太多醬汁，配白飯已經好好食。另外仲加左兩個小食~越式春卷 $36賣相吸引，春卷皮唔係一般個種，而係蜂巢裝，入口更加酥脆，好香口!香茅雞翼 $36即炸即起熱到要攤陣先食到🤤雞翼炸到皮脆肉嫩，淡淡香矛味，不敗小食之一食越式野一定要飲番d地道野，咸檸檬檸梳打清新解膩，椰汁冰夠濃唔過甜，不錯!lunch黎講算好食又滿足，價錢相宜，係附近番工又多個選擇啦

在中環要揾一間低價位而又有質素的食肆選擇不多，位於中環中心的Lil's Saigon我覺得是一個不錯的選擇。生牛肉湯河粉$68，加蘿蔔$12~生牛肉肉味香濃，肉質軟腍美味。湯頭以牛骨熬製，十分清甜，河粉亦很Q彈滑溜，配上金不換，辣椒粒和青檸，湯頭味道更清新可口。咖哩牛腩飯$68~牛腩份量很多，件頭頗大，炆得又腍又軟又鬆化，口感頗佳，咖哩的味道不算太辣，配白飯一流。香茅炸雞翼四隻$36~表面炸得十分香脆，肉質滑嫩，很重香茅味，好正！香濃凍咖啡(跟餐)+12~食完咖哩飲番杯香濃順滑的凍咖啡真是一大享受。椰汁冰(跟餐)+12~椰味很香濃，冰冰涼涼的十分解渴。

呢間係中環中心一樓🎊新開嘅 Lil'Saigon 原來係李錦基🇻🇳越南餐廳開設嘅分店，中午供應各款🇻🇳越式檬粉🍜同埋咖喱🍛都幾抵食又好味😋。湯蘿蔔🐂牛丸湯底🥣清澈味道唔錯幾有🐂牛味，蘿蔔炆得夠腍🤤又清甜。🥥椰汁冰夠香濃又夠凍，好爽😍！火車頭🚂湯河粉🍜轉檬粉，佢入面有好多料：生牛，熟牛腩，牛柏菜，牛根，牛丸，我再加咗🐖扎肉添🤤。其中我最😍鍾意嘅係佢嘅🐂牛腩，又腍又滑🤤又濃牛味，🐖扎肉都幾鮮味，加上青檸辣椒🌶️薄荷葉🌱層次豐富又開胃😋！煎香茅🐖豬扒撈檬🍜分量幾足👍，檬粉爽滑，豬扒🐖香茅味好入味，而且好鬆化🥰。🔥炸香茅雞翼🐓好香脆，啱啱熟肉質好嫩🤤，而且香茅味好重😋。

ℂ𝕖𝕟𝕥𝕣𝕒𝕝 • 𝕃𝕚𝕝'𝕊𝕒𝕚𝕘𝕠𝕟 🇻🇳 📍中環皇后大道中𝟡𝟡號𝟙樓𝟝𝔸號舖::::::::::::::::::::::::::::::新進駐中環中心的越南菜李錦基餐廳 @lilsaigonthecenter 主打正宗越式湯河粉、撈檬及越式咖喱～🚊 火車頭湯河粉 $88配料包括生牛肉、熟牛腩、牛柏葉、牛筋和牛丸，另加$12加配蘿蔔。湯頭以牛骨髓熬製十小時，熱騰騰的，味道清甜。🐓 海南雞飯 $78雞件嫩滑，油飯香口 🍛🍗 香茅雞翼 $36一共四隻，外皮夠脆~☕️ 越式滴漏咖啡 $42🍋 青檸梳打 $10

📍Lil'Saigon📮中環皇后大道中99號1樓5A號舖.疫情稍為緩和, 加上堂食開始放寬, 亦係時間要返office返工喇🥲 久別中環, 發現有啲新餐廳進駐, 一返工即刻捉埋同事仔試下.呢間餐廳地址好鬼馬, 搵左好耐原來係The Centre入面, 想試既朋友仔要小心啲, 唔好好似我咁盲舂舂左搵右搵.🙋🏽‍♀️火車頭湯河粉 HKD88（生牛, 熟牛腩, 牛柏葉, 牛根, 牛丸）同事仔一坐低二話不說叫左個火車頭, 貪佢咩都有啲可以小試牛刀😏每款配料有成2-3件, 而且河粉都好多, 直頭係男仕份量, 食完飽到一個點🤰🏽💁🏻‍♀️生牛肉牛柏葉湯河粉 HKD68揀飲擇食既我揀左只有2款配料既生牛肉牛柏葉湯河粉, 份量唔比火車頭少, 牛肉同牛柏葉緊緊熟唔會overcook, 湯底再濃啲會更好😌炸香茅雞翼4只HKD36雞翼醃得好入味, 有好香既香茅味, 炸粉唔會過厚, 唔錯😙.可能係新開既關係, 午市唔算好多人排隊, 中上環返工既朋友仔諗唔到食咩既話可以黎試下.整體環境：👍🏻👍🏻👍🏻食物味道：🤤🤤🤤服務態度：🕺🏼🕺🏼🕺🏼🕺🏼物超所值：💰💰💰回頭基率：💨💨💨.#nonstopeatingdiaryvi

好耐無返過公司嚕 lunchtime當然要出去搵吓嘢食見到依間新開嘅越南餐廳 好似唔錯選擇都幾多粉麵飯法包小食都有幾款選擇揀好就用電話落單仲有得customised 落完單好快就上齊晒啲嘢火車頭湯河粉 $88(生牛、熟牛腩、牛栢葉、牛根、牛丸)湯底好清甜唔覺意飲咗好多🦦牛柏葉好爽脆 有啲surprised 牛腩嘅牛味勁重 而牛丸都算幾彈牙香茅炸雞翼 $36雞翼炸到又香又脆 基本上都係好味鹹檸檬梳打 $12好清爽好refreshing配住雞翼食 唔錯唔錯

同朋友係中環食lunch～ 今次朋友話想食越南嘢所以我哋今日嘅午餐就係越南菜！朋友叫咗火車頭湯河～ 我就叫左煎香茅牛肉湯河～ 小食我地就叫咗湯蘿蔔牛丸同埋炸香茅雞翼～朋友嘅火車頭湯河有生牛肉，熟牛腩，牛柏葉，牛筋同埋牛丸～ 非常抵食！ 又大碗又多料～ 朋友話好好味～ 我既香茅牛肉湯河真心好好味呀～ 香茅牛肉煎得好香口！肉質香滑～ 湯河都好好味呀～ 湯蘿蔔牛丸作為小食都唔錯～ 蘿蔔好淋～ 牛丸香滑炸香茅雞翼都好好味～ 好香口～配湯河一齊食岩岩好