玄鮨 (已結業)

玄鮨連續五年獲得米芝蓮推介, 一直都好想試, 知道佢有LUNCH SET同埋晚市既廚師發辦, 今晚終於約到個FD黎一試, 好期待! 就係CUBUS7樓, 樓底好高而且座位寬敞舒適, 除左BAR位, 卡位外仲有獨立既廂房, 私人度好高, 係而家疫情未穩定下, 食得份外安心。前菜炸牛蒡片炸得香脆又唔油膩。 銀魚帶微微酸味之餘保留左魚鮮味, 好開胃。 刺身賣相精緻, 好有心機擺盤, 十分吸引!鰹魚用醬油醃漬過, 有提鮮效果, 令鰹魚鮮味更出。赤貝非常新鮮, 口感爽脆, 味道鮮甜。章紅魚肉質鮮美, 魚味清新。帶子鮮甜有厚道, 帶黏口口感, 正。左口魚海膽味道清新既左口魚包住鮮味濃郁嘅海膽, 口感一爽一軟, 特別又好味!拖羅賣相粉嫩吸引, 魚油甘香豐富, 出色!  蟹膏豆腐面層蟹肉沾滿香濃蟹膏, 底層係嫩滑既豆腐, 一啖將整份豆腐滑入口腔, 濃郁蟹膏充斥口腔, 加上絲絲蟹肉同埋嫩滑豆腐, 口感同味道都好豐富。味噌燒茄子圓滾滾又飽滿既茄子賣相可愛, 茄子燒得岩岩好, 唔會好乾之餘有陣陣焦徇味道, 加上滿滿既味噌醬, 連皮都食埋壽司帶子壽司肥美黏口, 超級解甜。章紅魚壽司味道清新, 口感爽滑。赤蝦壽