顏府御膳 (已結業)

近來喜歡周圍去食唔同嘅中菜，目的係為左搵間好嘅同家中榮休大廚食，今次去主打新派粵川菜嘅顏府御膳，等我做女嘅試一試先同大廚嚟食～🦆成日都食醉雞，今次試試鹽水鴨鴨身好細，似乎係一隻好幼嫩嘅鴨，皮好薄無多餘肥膏，簡單鹽水調味已經好食🧱家人最喜歡吃豆腐，必點金沙脆豆腐脆細漿超薄身，無食到一嚿嚿粉，調味唔過分，而且炸得好靚身，完全無油膩感🥣一家人食飯最緊要有啖湯今次係青紅蘿蔔螺頭煲雞腳湯湯好濃郁，絕對不是味精湯，每碗都有隻雞腳食下🐖好多人都推介東玻肉，雖然好少食不過就抱試試心態，原來食落就算肥膏位都無豬羶味，豬肉炆到好入味，豬皮充滿骨膠原✨用嚟送飯真係飯都食多幾啖🥬去到時每枱都必點砂鍋菜式，我又湊湊熱鬧叫個砂鍋XO醬蝦乾肉碎芥蘭，呢個簡直係驚艷，芥蘭非常鮮嫩，完全冇榨，爆炒火候剛剛好，蝦乾非常飽滿大隻，食落有啲鹹香，最鍾意呢個菜！顏府嘅菜式充滿唔同嘅原素，揉合傳統菜式同埋新時代配料、做法，再加上材料上乘，令每樣食物更加要加分！下次一定要比個驚喜大廚，帶埋佢嚟食餐好！