喜鍋 海鮮‧火鍋‧小廚 (已結業)

好耐之前食過呢間喜鍋質素好好，所以今日再返嚟，水準一樣無變先按自己口味調配自己嘅醬汁涼拌前菜係冰菜，加埋胡麻醬非常好味又爽口雞煲份量三個人食啱啱好，煮起上嚟非常香，雞肉爽口彈牙，醬汁香濃，好惹味～頂級安格斯牛頸脊，超級嫩滑，油脂分佈一流，又有牛味，超級正！日本黑豚肉，同牛肉一樣咁嫩，好味～日本芝士竹輪，一咬落去啲芝士就爆出黎，不得了～火鍋配料拼盤包括：手打墨魚丸、黑椒牛筋丸、香菇貢丸、蟹籽包心丸、午餐肉，全部都唔錯，算係水準之上蔬菜拼盤，蔬菜都好新鮮，食咁多肉要食返啲菜健康啲青檸柚子蜜，香甜得黎幾清新，好飲食完之後餐廳仲送咗啲雪米糍做甜品，幾窩心～😃