影片
更多
2021-07-26
2419 浏览
港人向來鍾情日本飲食文化，故不同類型及風格嘅日式料理店，都可以喺各區搵到。最近就同朋友到訪了一間創意日式居酒屋「心の食堂」。餐廳座落於耀華街百樂中心，店面地方不大，只有約三十餘個座位，但檯與檯之間都算闊落，配上室內的沙發座和牆身上的單車裝飾，裝潢簡約又帶點文青 feel。餐廳採自助形式點餐，客人須以手機掃描 QR Code 落單，而食物選項就有刺身、主食、心の卷物、迷你壽司杯、軍艦、魚生飯、燒物、小食、沙律、炸物、飲品及酒類等。先嚟一份三文魚刺身 ($40)，一客 4 片，用木櫈仔盛上，賣相美觀。每一件都切得非常厚身，肉質柔軟，油脂分佈平均，入口鮮味十足。餐廳主打創意卷物，一場嚟到，當然唔可以錯過。呢道李小龍卷 ($68) 集炸蟹鉗，魚子醬、蟹籽及青瓜於一身，食落卜卜脆，口感好豐富，有營又開胃。石板黑松露牛油帶子 ($88)，帶子用牛油煎至半熟，入口鮮甜嫩滑，加上以鐵鍋上檯，熱辣辣，香噴噴，配埋面頭的黑松露，將味道層次提升得淋漓盡致。鹽燒雞翼 ($50) 雞翼用竹籤串起，食落非常香口，雞肉嫩滑入味，咬下去仲有肉汁同雞油溢出，真係越食越滋味。主食點咗個蒜片牛柳粒石鍋飯 ($108)，
港人向來鍾情日本飲食文化，故不同類型及風格嘅日式料理店，都可以喺各區搵到。最近就同朋友到訪了一間創意日式居酒屋「心の食堂」。
餐廳座落於耀華街百樂中心，店面地方不大，只有約三十餘個座位，但檯與檯之間都算闊落，配上室內的沙發座和牆身上的單車裝飾，裝潢簡約又帶點文青 feel。
餐廳採自助形式點餐，客人須以手機掃描 QR Code 落單，而食物選項就有刺身、主食、心の卷物、迷你壽司杯、軍艦、魚生飯、燒物、小食、沙律、炸物、飲品及酒類等。
先嚟一份三文魚刺身 ($40)，一客 4 片，用木櫈仔盛上，賣相美觀。每一件都切得非常厚身，肉質柔軟，油脂分佈平均，入口鮮味十足。
餐廳主打創意卷物，一場嚟到，當然唔可以錯過。呢道李小龍卷 ($68) 集炸蟹鉗，魚子醬、蟹籽及青瓜於一身，食落卜卜脆，口感好豐富，有營又開胃。
石板黑松露牛油帶子 ($88)，帶子用牛油煎至半熟，入口鮮甜嫩滑，加上以鐵鍋上檯，熱辣辣，香噴噴，配埋面頭的黑松露，將味道層次提升得淋漓盡致。
鹽燒雞翼 ($50) 雞翼用竹籤串起，食落非常香口，雞肉嫩滑入味，咬下去仲有肉汁同雞油溢出，真係越食越滋味。
主食點咗個蒜片牛柳粒石鍋飯 ($108)，石鍋熱度十足，上檯時仍冒著煙，香味四溢。牛柳粒嫩滑軟腍，蒜片鬆脆甘香，與白飯拌勻一起吃，每一啖都係享受！
壓尾再點多客日式炒野菜 ($58) 同 紫薯甘栗餅 ($36)。雜菜分量剛好，材料有椰菜、紅蘿蔔和菇菌等，面頭放上木魚碎，加上濃味的醬汁，很惹味。
紫薯甘栗餅，內餡以日本紫薯蓉及甘栗粒製成，紫薯蓉香甜軟綿，混合粒粒栗子，更添口感，兩種食材配搭得簡直係天衣無縫，入口外脆內軟，香濃甘甜，為這頓晚餐完美作結！
张贴
