鮨石 (已結業)

最近聽朋友介紹呢間omakase好正， 平時都無乜為意到呢度，因為都係去附近飲野多，位置係尖沙咀赫德道同寶勒巷中間，十分方便，值得去試一試。入面裝修都好有日式風味，感覺高級。 🔴前菜 先黎明蝦 ， 配上有少少沙律醬，爽口彈牙，好新鮮。海螺微辣，而且煮得夠晒入味，廚師好細心咁已經去除咗唔食得既部分，水雲(海藻)配上酸汁，感覺夠晒清新開胃。 ⭐目仁奈刺身上面灑上少少蔥花同紫蘇花，可以卷埋一齊食，而佢既魚味十分濃郁，油脂分布適中，肉質都相當嫩滑，捲埋蔥花再點上醬油，味道更加鮮甜。 ⭐粒貝有一片德島橘子係上面俾我地點，感覺幾fresh，亦都可以加海鹽，配搭出唔同風味。 ⭐白子 夠新鮮，味道十分鮮甜，夠晒Creamy。 ⭐鮟鱇魚肝 口感綿密滑順，油脂又夠晒香。 ⭐八爪魚&海膽 正常發揮，感覺新鮮。 🟣燒賣 驚喜之作，係用香箱蟹做既，佢既蟹肉、蟹黃上面配俄羅斯魚子醬，入口豐富，蟹肉同蟹黃味道十分濃郁，好好味！ 🟢拖羅三文治 開頭睇顏色，以為係和牛原來係拖羅黎既，拖羅煎至半熟，配上香脆嘅多士，夠晒外脆內軟。 🟡壽司(重點推介幾款) ⭐北寄貝加左柚子皮灑係上面，感覺清新； ⭐鯖魚肉質比較脆