影片
更多
2022-09-26
23 浏览
當Omakase變得越嚟越普遍... 質素亦漸見參差!不過呢間【鮨盛】絕對試得過!👍🍶 鮨盛📌 尖沙咀廣東道122-126號中港中心11樓一入食店... 見到木系嘅裝修呈簡約和式格局... 地方闊落企理! 場內有吧檯亦有長檯... 適合唔同食客嘅需要!今次我地選擇喺大廳嘅長吧檯... 鍾意一邊欣賞師傅即場嘅手藝... 一邊細味品嚐!Omakase lunch set有2款... 分別係$480 (Sushi Omakase) 及 $680 (Business Lunch Omakase)... 我哋order咗後者!Business Lunch Omakase 包括以下👇🔸前菜🔸刺身🔸季節料理🔸壽司🔸手卷🔸玉子燒🔸湯🔸甜品首先... 師傅問我地有乜嘢唔食... 或者有冇食物敏感... 感覺好細心... 好caring!🥰🔹〈枝豆豆腐併水果番茄〉枝豆豆腐豆味香濃而且幼滑... 水果番茄清新鮮甜!🔹〈茶碗蒸〉喺滑嘟嘟嘅蒸蛋上面... 放咗北海道毛蟹肉... 仲用咗毛蟹打汁... 鮮味甚濃!🔹〈北海道鱈魚白子〉矜貴嘅白子富有好高嘅營養價值... 含豐富蛋白質及維他命B等... 係美顏聖品!
不過呢間【鮨盛】絕對試得過!👍
🍶 鮨盛
📌 尖沙咀廣東道122-126號中港中心11樓
一入食店... 見到木系嘅裝修呈簡約和式格局... 地方闊落企理! 場內有吧檯亦有長檯... 適合唔同食客嘅需要!
今次我地選擇喺大廳嘅長吧檯... 鍾意一邊欣賞師傅即場嘅手藝... 一邊細味品嚐!
Omakase lunch set有2款... 分別係$480 (Sushi Omakase) 及 $680 (Business Lunch Omakase)... 我哋order咗後者!
Business Lunch Omakase 包括以下👇
🔸前菜
🔸刺身
🔸季節料理
🔸壽司
🔸手卷
🔸玉子燒
🔸湯
🔸甜品
首先... 師傅問我地有乜嘢唔食... 或者有冇食物敏感... 感覺好細心... 好caring!🥰
🔹〈枝豆豆腐併水果番茄〉
枝豆豆腐豆味香濃而且幼滑... 水果番茄清新鮮甜!
🔹〈茶碗蒸〉
喺滑嘟嘟嘅蒸蛋上面... 放咗北海道毛蟹肉... 仲用咗毛蟹打汁... 鮮味甚濃!
🔹〈北海道鱈魚白子〉
矜貴嘅白子富有好高嘅營養價值... 含豐富蛋白質及維他命B等... 係美顏聖品! 食落質感柔滑豐腴... 配合酸汁特別美味!
🔹〈秋刀魚刺身〉
擺盤靚絕... 秋刀魚非常鮮甜帶點海水味!
🔹〈金鯛立鱗燒〉
勁吸睛!😍 淋上滾油嘅金鯛魚... 魚鱗非常有氣勢咁豎起... 食落香脆... 一啲都唔腥!
🔹〈深海池魚壽司〉
六日熟成嘅深海池魚... 水份被抽乾咗d... 熟成後濃縮咗嘅風味比起新鮮時嘅味道更勝一籌!
🔹〈北海道縞蝦壽司〉
味道鮮甜清爽... 肉質厚實... 口感嫩滑而且充滿彈性!
🔹〈石坦貝壽司〉
味道同象拔蚌有d似... 清甜且口感爽脆!
🔹〈白魷魚壽司〉
白魷魚上面撒咗烏魚子碎(係台灣烏魚子燒完之後磨成碎粉)... 令到Q彈嘅白魷魚增加咗味道嘅層次感!
🔹〈剝皮魚壽司〉
剝皮魚嘅肉質好鮮味細緻... 上面淋咗用剝皮魚魚肝醬... 提升咗味蕾嘅享受!
🔹〈金目鯛壽司〉
嚟自千葉縣油分飽滿嘅金目鯛肉質細膩柔嫩... 而且味道鮮美!
🔹〈中拖羅壽司〉
脂肪比例較高... 食落非常甘香... 魚香縈繞舌尖之上!
🔹〈醬油吞拿魚壽司〉
浸咗醬油之後嘅吞拿魚... 食落更見嫩滑!
🔹〈火炙赤鯥魚壽司〉
油脂豐富... 肉質Q彈... 輕炙過後... 赤鯥魚肉仲多咗份焦香味㖭!
🔹〈北海道利尻海膽軍艦〉
利尻島係盛產優質海膽嘅美麗小島... 喺呢度捕獲嘅海膽口感非常綿密鮮美... 而且好creamy!
🔹〈拖羅手卷〉
用咗百年老字號嘅紫菜片特別香脆... 手卷餡料極豐富... 好多魚子同埋拖羅蓉... 啖啖滋味!
🔹〈豆腐昆布味噌湯〉
味道鮮甜不死鹹... 拿捏得非常好!
🔹〈紅豆/豆腐雪糕〉
最後嚟個和式風味雪糕... 將呢餐Omakase劃上完美嘅句號!
我推介呢間【鮨盛】係因為佢地嘅Omakase做得非常好... 除咗賣相、擺盤靚之外... 佢哋嘅食材非常新鮮... 現場所見嘅海鮮都係靚貨! 而佢哋嘅選料亦都好講究... 就好似紫菜咁... 用咗百年老字號兼多次獲獎嘅紫菜片... 可見佢地對自家出品嘅食物係有相當嘅要求!
另外... 好欣賞呢度每一位員工... 都好有禮貌而且笑容滿面! 負責招待我哋嘅師傅好健談... 而且一直都細心咁為我地介紹食物嘅名稱、產地、特別之處同食法... 超讚!
张贴
