浩記甜品

营业中

休息中

早幾日去開土瓜灣探婆婆，經過益豐大厦，見到有間新舖，原來係旺角間"浩記"搬左黎呢度，之前以為佢地不敵疫情執左，老板話原來係搬大舖擴充，依度地方大左又光猛左，好舒服👍🏽而家呢啲傳統糖水店少之又少，即刻同老公坐低，食番碗香港地道嘅正宗糖水。老公叫左碗芝麻糊，味道依然係用心製作，芝麻炒得好香，食落有芝麻粒，有口感好香好滑。我就嗌左碗綠豆沙，煲得好粉好溶，好足料，仲加左幾粒芝麻湯圓，皮夠薄啱啱好之後買左碗腐竹蛋糖水外賣俾婆婆，老人家都食到嘴舐舐，仲成碗清哂。