棋哥燒鵝 (已結業)

今日係尖沙咀行街，經過棋哥燒鵝，見到好多燒味掛係窗邊，望落去流哂口水，所以就決定斬料返屋企加餸。門口放了外賣燒味著數組合，兩款燒味只需HK$128， A餐有半斤叉燒配半隻切雞/油雞，B餐即有半斤燒腩仔配半隻切雞/油雞。 燒腩仔個皮比較厚身，表皮烤得非常乾身香脆，外脆內軟，肉不會過咸過肥，配上黃芥辣醬，值得一讚。桂香切雞半隻，份量頗多。雞肉滑溜溜又不會太肥，配上自家製薑蔥蓉，令到雞肉的味道更突出。棋哥叉燒半斤，叉燒是用梅頭肉來醃製的，半肥瘦嘅叉燒烤得外焦內嫩，食落好香口，配上少量蜜汁，超好送飯。