大飯桶 (已結業)

今日喺天后站， 見到依家 大飯桶， 睇個menu都好多嘢食 有煲仔飯有燉湯， 佢啲set lunch 都好 抵食， 飯麵日式 泰式乜都有， 呢排肥咗日頭戒咗飯澱粉質， 所以嗌咗兩個小食， 一個係28味 鹵水豬手$40， 一個 秘製東江雞$52， 雖然叫小食但係佢都大碟， 加埋一杯 凍檸茶$18, 先嚟個豬手熱辣辣 佢 炆得 好淋好入味， 超級推介， 冇雪味， 豬手乾淨冇毛， 推介之選另外 東江 雞 又係又淋又滑， 佢有少少沙薑定鹹鹹地嘅蔥油味， 非常好食， 食得出唔係嗰啲又梅又淋嘅雪藏雞， 兩個小食都睇到佢哋用心製作， 下次返轉頭試埋佢啲煲仔飯同埋燉湯， 老闆娘 話 佢就嚟有羊腩煲， 冬天真係啱曬， 佢呢度應該係街坊生意 價錢 實惠， 小本經營， 佢個門口 整得好靚應該好多人叫外賣， 款式種類一定 有啱你， 地方好好坐， 環境舒服唔會迫迫劫劫， 估唔到咁都畀我搵到呢間隱世 美食 真係要推一推佢，幫下呢啲 用心製作 小店🙏爭啲唔記得講佢有自家製嘅合桃, 100蚊三包, 都好大包, 因為我今日要出去所以唔方便買下次再買 , 試完話畀大家知得唔得